பாஜக பட்டியலின, பிற்படுத்தப்பட்ட மக்களுக்கு எதிரானவா்கள்: சஞ்சய் சிங்

மக்கள் தொகை அடிப்படையிலான ஓபிசி இடஒதுக்கீடு மசோதாவை எதிா்த்ததன் மூலம் பாஜக பட்டியலின மற்றும் பிற்படுத்தப்பட்ட மக்களுக்கு எதிரானவா்கள் என்பது அம்பலமாகியுள்ளது என்று மாநிலங்களவை ஆம் ஆத்மி கட்சி எம்.பி. சஞ்சய் சிங் சனிக்கிழமை குற்றஞ்சாட்டினாா்.

தில்லி ரெளஸ் அவென்யூவில் உள்ள ஆம் ஆத்மி கட்சி தலைமையகத்தில் அவா் செய்தியாளா்களிடம் கூறியதாவது:

சமாஜ்வாதி கட்சி எம்.பி. ஜாவேத் அலி கான் ஓபிசி இடஒதுக்கீடு தொடா்பான தனிநபா் மசோதாவை கொண்டு வந்தாா். இந்த மசோதாவில், மக்கள் தொகை அடிப்படையில் ஓபிசி இடஒதுக்கீடு வழங்கப்பட வேண்டும் என்று கோரியுள்ளாா். இந்த மசோதா மாநிலங்களவையில் அறிமுகப்படுத்தப்பட்டவுடன், மத்திய அமைச்சா் பியூஷ் கோயில் தலைமையில் பாஜக எம்.பி.க்கள் ரகளையில் ஈடுபட்டனா். இந்த தவறான நடத்தை பாஜகவின் பட்டியலின மற்றும் பிற்படுத்தப்பட்டவா்களுக்கு எதிரான மனநிலையைக் காட்டுகிறது.

பின்னா், காங்கிரஸ் கட்சியின் எம்.பி. நீரஜ் டாங்கி ஓபிசி இடஒதுக்கீடு மற்றும் சாதிவாரி மக்கள் தொகைக் கணக்கெடுப்பு குறித்து பேச ஆரம்பித்ததும், பாஜக எம்.பி.க்கள் அவையில் மீண்டும் சலசலப்பை உருவாக்கத் தொடங்கினா். இதனால், மாநிலங்களவை ஒத்திவைக்கப்பட்டது. அதேசமயம், பாஜக எம்.பி.க்கள் என்னை சிறைக்கு அனுப்ப வேண்டும் என்று மிரட்டத் தொடங்கினா். உங்கள் சிறைக்கும், லத்திக்கும் நான் பயப்படப்போவதில்லை என்று பாஜகவினரிடம் கூறினேன்.

பட்டியலினத்தோா் மற்றும் பிற்படுத்தப்பட்டோருக்காக ஆம் ஆத்மி கட்சி எப்போதும் குரல் எழுப்பும். பாஜகவின் நோக்கம் தெளிவாக இருந்தால், இந்த ஓபிசி இடஒதுக்கீடு மசோதாவை நிறைவேற்றியிருப்பாா்கள்.

இந்த மசோதா நாட்டின் பின்தங்கிய சமூகத்தின் நலன் சாா்ந்தது. இந்த சிறந்த மசோதாவை எதிா்ப்பதன் மூலம் பாஜக தனது உண்மை முகத்தைக் காட்டியிருக்கிறது. நாட்டின் உயா்நீதிமன்றங்களில் மொத்தம் உள்ள 661 நீதிபதிகளில் சாதி வாரியாக 21 எஸ்.சி., 12 எஸ்.டி., 78 ஓ.பி.சி. நீதிபதிகளே உள்ளனா். அதேசமயம், பொதுப் பிரிவில் இருந்து மொத்தம் 550 நீதிபதிகள் உள்ளனா். நீதித்துறையில் பின்பற்றப்படும் இடஒதுக்கீடு முறை குறித்து மாநிலங்களவையில் நான் கேள்வி எழுப்பியபோது, ​​அதை மத்திய அரசு தெளிவாக மறுத்தது.

கடந்த 2020-ஆம் ஆண்டு வரை மத்திய பல்கலைக்கழகத்தில் எஸ்.சி. சமூகத்தினருக்காக அனுமதிக்கப்பட்ட 297 பணியிடங்களில் 51 போ் மட்டுமே பணிபுரிகின்றனா். 246 பணியிடங்கள் காலியாக உள்ளன. எஸ்.டி. சமூகத்தினருக்கு அனுமதிக்கப்பட்ட 133 பணியிடங்களில் 8 போ் மட்டுமே பணிபுரிகின்றனா். 125 பணியிடங்கள் காலியாக உள்ளன. இதனுடன், ஓ.பி.சி. சமூகத்தினருக்கு அனுமதிக்கப்பட்ட 269 பணியிடங்களில் 9 போ் மட்டுமே பணியமா்த்தப்பட்டுள்ளனா். 260 பணியிடங்கள் காலியாக உள்ளன.

தில்லி முதல்வா் அரவிந்த் கேஜரிவாலின் உடல்நிலை சிறையில் மோசமடைந்தது குறித்து மத்திய அரசுக்கு கேள்வி எழுப்பவும், சா்வாதிகார பாஜக அரசுக்கு எதிராக குரல் எழுப்பவும் ‘இந்தியா’ கூட்டணி தலைவா்கள் வருகின்ற ஜூலை 30-ஆம் தேதி ஜந்தா் மந்தரில் ஒன்று கூடுவாா்கள் என்றாா் சஞ்சய் சிங்.