என்என்ஆா்சி-யில் இணையதள குறுகிய கால தொழில்பழகுநா் திட்டம் தொடக்கம்

புது தில்லி: இந்தியாவின் தேசிய மனித உரிமைகள் ஆணையத்தின் (என்எச்ஆா்சி) நிகழாண்டின் மூன்றாவது இரண்டு வார ஆன்லைன் குறுகிய கால தொழில்பழகுநா் திட்டம் புது தில்லியில் உள்ள அதன் வளாகத்தில் செவ்வாய்கிழமை தொடங்கியது.

பல்வேறு கல்விப் பிரிவுகளைச் சோ்ந்த 100 பல்கலைக்கழக அளவிலான மாணவா்கள், நாட்டின் பல்வேறு பகுதிகளிலிருந்தும் இதில் கலந்துகொள்ள தோ்வு செய்யப்பட்டுள்ளனா்.

இந்த தொழில்பழகுநா் திட்டத்தைத் தொடங்கிவைத்த என்எச்ஆா்சியின் பொதுச் செயலாளா் பாரத் லால், சமூகத்தின் நலிந்த பிரிவினா் எதிா்கொள்ளும் சவால்களை தீா்ப்பதன் மூலம் மனித உரிமைகளை மேம்படுத்துவதிலும் பாதுகாப்பதிலும் சமூகத்தின் மனசாட்சிக் காப்பாளராக ஆணையத்தின் பங்கை எடுத்துரைத்தாா்.

அவா் பேசுகையில், ‘பச்சாதாபம் மற்றும் இரக்கத்தின் நெறிமுறைகளை உள்வாங்குவதன் மூலம் மனித உரிமைப் பாதுகாவலா்களாக உருவாக இந்த தொழில்பழகுநா் பயிற்சியின்போது பயிற்சியாளா்கள் மனித உரிமைகளின் பல்வேறு அம்சங்களை வெளிப்படுத்துவதை சிறந்த முறையில் பயன்படுத்த வேண்டும்.

சமூகத்தின் பல்வேறு பிரிவுகளின் மனித உரிமைகளைப் பாதுகாப்பதில் இந்தியாவின் நீண்டகால முயற்சிகளை பயிற்சியாளா்கள் பிரதிபலிக்க வேண்டும். இது பண்டைய காலத்திலிருந்து வேரூன்றிய ஒரு அா்ப்பணிப்பாகும் என்றாா்.

மேலும், சிவில் மற்றும் அரசியல் உரிமைகள் மட்டுமின்றி சமூக மற்றும் கலாசார உரிமைகளையும் பாதுகாத்து, மக்கள் கண்ணியத்துடன் வாழ்வதற்கான உரிமையை உறுதிப்படுத்தும் சட்டமியற்றும் நடவடிக்கைகள் மற்றும் கொள்கை சீா்திருத்தங்களையும் அவா் எடுத்துரைத்தாா்.

முன்னதாக, என்எச்ஆா்சியின் இணைச் செயலா் தேவேந்திர குமாா் நிம் பேசுகையில், மனித உரிமைகளின் பல்வேறு அம்சங்களைப் பற்றிய புகழ்பெற்ற பேச்சாளா்களின் அமா்வுகளைத் தவிர, பயிற்சியாளா்கள் தங்கள் மனித உரிமைககள் விழிப்புணா்வை கூா்மைப்படுத்த தனிப்பட்ட மற்றும் குழு நடவடிக்கைகளையும் வெளிப்படுத்தும் தொழில்பயிற்சி குறித்து எடுத்துரைத்தாா்.

விழா நிறைவில் என்எச்ஆா்சி இயக்குநா் லெப்டினன்ட் கா்னல் வீரேந்தா் சிங் நன்றி கூறினாா்.