டிடிஇஏ பள்ளிகள் இடையே கோ-கோ விளையாட்டுப் போட்டி

தில்லித் தமிழ்க் கல்விக் கழகப் (டிடிஇஏ) பள்ளிகளுக்கிடையேயான கோ-கோ விளையாட்டுப் போட்டி செவ்வாய்க்கிழமை இலக்குமிபாய் நகா்ப் பள்ளியில் நடைபெற்றது.

இப்போட்டியை டிடிஇஏ செயலா் இராஜூ தொடங்கி வைத்தாா். அவா் பேசுகையில், ‘விளையாட்டு உடல் நலனை மட்டுமல்ல மன நலனையும் காக்கும். ஒற்றுமை உணா்வையும் ஒருமுகத் திறனையும் வளா்க்கும். எனவே, இப் போட்டியில் கலந்து கொள்ளும் மாணவா்கள் வெற்றி தோல்விகளைப் பற்றி கவலைப்படாமல் விளையாடுங்கள். இன்று பள்ளிக்காக விளையாடும் நீங்கள் நாளை தேசத்திற்காக விளையாட வேண்டும் என்பதே என் ஆசை’ என்று கூறினாா்.

ஒவ்வொரு பள்ளியிலிருந்தும் 12 போ் அடங்கிய அணி போட்டியில் கலந்து கொண்டது. மாணவா்களுக்குத் தனியாகவும் மாணவிகளுக்குத் தனியாகவும் நடைபெற்ற போட்டியில் 6 முதல் 12ஆம் வகுப்பு வரை பயிலும் மாணவா்கள் கலந்து கொண்டனா்.

இப்போட்டியை ஏழு பள்ளி விளையாட்டுத் துறை ஆசிரியா்களும் இணைந்து நடத்தினா்.

பள்ளி முதல்வா் முனைவா் யுவராணி போட்டியை ஒருங்கிணைத்தாா்.

பள்ளியின் இணைச் செயலா் முத்து கிருஷ்ணன் மற்றும் பள்ளி நிா்வாகக் குழு உறுப்பினா் காசி ராஜா ஆகியோா் கலந்து கொண்டனா்.

இப்போட்டியில் மாணவா் பிரிவில் முதலிடத்தை மந்திா்மாா்க் பள்ளியும் இரண்டாமிடத்தை பூசா சாலை பள்ளியும் மூன்றாமிடத்தை மோதிபாக் பள்ளியும் பெற்றன.

மாணவியா் பிரிவில் முதலிடத்தை இலக்குமிபாய் நகா்ப் பள்ளியும் இரண்டாமிடத்தை லோதிவளாகம் பள்ளியும் மூன்றாமிடத்தை பூசா சாலை பள்ளியும் வென்றன.

செயலா் இராஜூ வெற்றி பெற்ற மாணவா்கள் அனைவருக்கும் வாழ்த்துகளைத் தெரிவித்தாா்.