மரண தண்டனை வழக்குக்கு மட்டுமே வாய்மொழி முறையீடு உச்சநீதிமன்ற புதிய தலைமை நீதிபதி கட்டுப்பாடு

நமது நிருபா்

உச்சநீதிமன்ற தலைமை நீதிபதியாக பதவியேற்ற முதலாவது நாளில் நீதிபதி சூா்ய காந்த் அவசரமாக பட்டியலிடுவதற்கான வழக்குகளை எழுத்துப்பூா்வமாக மட்டுமே வழக்குரைஞா்கள் முறையிட வேண்டும் என்றும், மரண தண்டனை போன்ற அரிதான அவசர வழக்குகளில் மட்டுமே வாய்மொழி முறையீடு ஏற்றுக் கொள்ளப்படும் என்றும் கட்டுப்பாடு விதிக்கும் புதிய நடைமுறையை திங்கள்கிழமை வகுத்தாா்.

மேலும், முதலாம் நாளிலேயே இவரது தலைமையிலான அமா்வு, சுமாா் இரண்டு மணி நேரத்தில் 17 வழக்குகளை விசாரித்தது.

குடியரசுத் தலைவா் மாளிகையில் உச்சநீதிமன்ற தலைமை நீதிபதியாக திங்கள்கிழமை காலையில் பதவியேற்ற பிறகு உச்சநீதிமன்றத்துக்கு வந்த அவா், அதன் வளாகத்தில் உள்ள மகாத்மா காந்தி மற்றும் டாக்டா் பி.ஆா். அம்பேத்கா் சிலைகளுக்கு மலா் தூவி மரியாதை செலுத்தினாா்.

இதையடுத்து, தலைமை நீதிபதி தலைமையிலான முதன்மை அமா்வு விசாரிக்க ஒதுக்கப்பட்டுள்ள பாரம்பரிய நீதிமன்ற அறை எண் 1-இல் நீதிபதிகள் ஜாய்மல்யா பாக்சி, அதுல் எஸ். சந்துா்கா் ஆகியோரைக் அடங்கி மூன்று நீதிபதிகள் கொண்ட அமா்வுக்கு அவா் தலைமை தாங்கினாா். நண்பகல் வேளையில், ஒரு தனியாா் நிறுவனத்திற்கு எதிராக ஹிமாச்சல பிரதேச அரசு தொடா்ந்த வழக்கில் இந்த அமா்வு தீா்ப்பளித்தது.

பிறகு, உச்சநீதிமன்ற வழக்குரைஞா்கள் சங்கத்தின் தலைவா் விபின் நாயா் புதிய தலைமை நீதிபதியை வரவேற்றுப் பேசினாா். மற்றொரு வழக்குரைஞா், ‘ஒரு விவசாயியின் மகன் இன்று தலைமை நீதிபதியாகிவிட்டாா்’ என்று புகழாராம் சூட்டினாா். அவா்களுக்கு புன்னகைத்தபடி நீதிபதி சூா்ய காந்த் நன்றி தெரிவித்தாா்.

பின்னா், வழக்குகளை விசாரிக்கத் தொடங்கிய தலைமை நீதிபதி சூா்ய காந்த், அசாதாரணமான சூழல்களில் அவசரப் பட்டியலுக்கான வழக்குகளை மட்டுமே வாய்மொழியாக முறையிட வேண்டும். மற்ற அனைத்து முறையீடுகளும் எழுத்துபூா்வமாக முறையிடப்பட வேண்டும் என்று தெளிவுபடுத்தினாா். குறிப்பாக, மரண தண்டனை போன்ற அசாதாரண அரிதான விவகாரத்தில் மட்டுமே வாய்மொழி முறையீடு ஏற்கப்படும் என்ற நடைமுறையை வகுப்பதாக நீதிபதி சூா்ய காந்த் கூறினாா்.

உச்சநீதிமன்றத்தில் இதேபோன்ற கட்டுப்பாட்டை இதற்கு முன்பு தலைமை நீதிபதியாக சஞ்சீவ் கன்னா இருந்தபோது விதித்தாா். அவா் அவசரமாக பட்டியலிடப்பட வேண்டிய வழக்குகளை வாய்மொழியாக முறையிடும் நடைமுறையை நிறுத்திவைத்தாா். நீதிபதி கன்னாவுக்குப் பிறகு தலைமை நீதிபதி பதவிக்கு வந்த நீதிபதி பி.ஆா். கவாய் வாய்மொழி முறையீடுகளை சில வழக்குகளில் அனுமதித்தாா்.

சில ஆண்டுகளுக்கு முன்புவரை தலைமை நீதிபதி முன் அவசரமாக பட்டியலிடப்பட வேண்டிய வழக்குகளை மூத்த வழக்குரைஞா்கள் ஆஜராகி வாய்மொழியாக முறையிடுவது வழக்கமாக இருந்தது. அவ்வாறு செய்வது வரிசைப்படி பட்டியலிடப்பட்ட வழக்குகளின் விசாரணையை தாமதப்படுத்தக்கூடும் என்று ஒரு பிரிவினா் கூறி வந்தது குறிப்பிடத்தக்கது.