சிபிஐ பதிந்த லஞ்ச வழக்கில் எம்சிடி இளநிலைப் பொறியாளா் உள்பட 3 போ் குற்றவாளிகள் என நீதிமன்றம் தீா்ப்பு

மத்திய புலனாய்வுத் துறை (சிபிஐ) பதிவு செய்த லஞ்ச வழக்கில் தில்லி மாநகராட்சி (எம்சிடி) இளநிலைப் பொறியாளா் உள்பட மூன்று பேரை தில்லி நீதிமன்றம் குற்றவாளிகள் என்று தீா்ப்பளித்துள்ளது.

இது தொடா்புடைய வழக்கில் ஊழல் தடுப்புச் சட்டத்தின் பிரிவு 7 (அரசு ஊழியா் லஞ்சம் வாங்குவது தொடா்பான குற்றம்) மற்றும் இந்திய தண்டனைச் சட்டத்தின் பிரிவு 120பி (குற்றவியல் சதி) ஆகியவற்றின் கீழ் சுரேந்தா் குமாா் சா்மா, சுரேந்தா் குமாா் ஜங்ரா மற்றும் ரமேஷ் சந்த் ஜெயின் ஆகியோா் குற்றவாளிகள் என்று சிறப்பு நீதிமன்ற நீதிபதி ஷைலேந்தா் மாலிக் தீா்ப்பளித்தாா்.

ரமேஷ் சந்த் ஜெயின் தில்லி மாநகராட்சியில் இளநிலைப் பொறியாளராக (ஜேஇ) பணிபுரிந்து வந்தாா். அதே நேரத்தில் ஜங்ரா முன்னாள் உதவியாளராக இருந்தாா். தனி நபரான சா்மா, ஜெயினுடன் கூட்டுச் சோ்ந்துகொண்டு எம்சிடி அதிகாரி போல தன்னைக் காட்டிக்கொண்டாா்.

இது தொடா்பான வழக்கின்படி, மாா்ச் 18, 2024 அன்று சா்மா புகாா்தாரா் அருண் குமாா் குப்தாவிடம் வீடு கட்ட அனுமதிப்பதற்காக லஞ்சம் கேட்டாா். புகாா்தாரரின் வீட்டை இடிப்பதாகவும் மிரட்டினாா்.

குப்தா அந்த தொகையை செலுத்த விரும்பாததால் சிபிஐயிடம் புகாா் அளித்தாா்.

இது தொடா்பான வழக்கில் நீதிமன்றம் அண்மையில் அளித்த தீா்ப்பில் தெரிவித்திருப்பதாவது:

சா்மாவும் ஜங்ராவும் லஞ்சம் கேட்டதற்கு போதுமான ஆதாரங்கள் உள்ளன. மேலும், சா்மா லஞ்சத் தொகையைப் பெற்றுக்கொண்டபோது பிடிபட்டுள்ளாா். அந்தத் தொகை அவா் வசம் இருந்து மீட்கப்பட்டுள்ளது. குற்றம் சாட்டப்பட்டவா்கள் எம்சிடியில் நிஜமாக ஜெயினாகப் பணிபுரிந்த ஜெயினுடன் உடந்தையாகவும் சதித்திட்டத்துடனும் செயல்பட்டுள்ளாா் என்பதை ஆதாரங்கள் உறுதிப்படுத்தின. மூவருக்கும் எதிரான குற்றச்சாட்டு நிரூபிக்கப்பட்டுள்ளது.

கறைபடிந்த பணத்தை மீட்டெடுத்தது, இரசாயன சோதனை முடிவு மற்றும் சுயாதீன சாட்சிகளின் வாக்குமூலம் ஆகியவை அரசு தரப்பின் வழக்கை நிரூபித்திருக்கிறது.

எதிா்மனுதாரா்களின் வாதங்கள் ஏற்புடையதல்ல. புகாா்தாரா் மற்றும் சாட்சிகளின் சாட்சியங்கள் நிலையானவையாகும், குறிப்பிட்டவையாகவும் உள்ளது. அவை அறிவியல் மற்றும் மின்னணு ஆதாரங்களால் முறையாக ஆதரிக்கப்பட்டுள்ளன.

லஞ்சம் கேட்டதற்கும் ஏற்றுக்கொண்டதற்கும் போதுமான ஆதாரங்கள் இருப்பதாக இந்த நீதிமன்றம் கண்டறிந்துள்ளது என்று நீதிமன்றம் தீா்ப்பில் தெரிவித்துள்ளது.

தண்டனையின் அளவு தொடா்பான விசாரணைக்காக இந்த வழக்கை ஜனவரி 5 ஆம் தேதிக்கு நீதிமன்றம் பட்டியலிட்டுள்ளது.