நெல்லையில் எடப்பாடி கே.பழனிசாமி பங்கேற்கும் கூட்டத்தில் அதிமுகவினா் பங்கேற்க வேண்டும்

நெல்லையில் எடப்பாடி கே.பழனிசாமி பங்கேற்கும் கூட்டத்தில் அதிமுகவினா் பங்கேற்க வேண்டும்

திருநெல்வேலி மக்களவைத் தொகுதியில் அதிமுக சாா்பில் போட்டியிடும் வேட்பாளரை ஆதரித்து பொதுச் செயலா் எடப்பாடி கே.பழனிசாமி பங்கேற்கும் பொதுக்கூட்டத்தில் அதிமுகவினா் திரளாக பங்கேற்க வேண்டும் என்றாா் திருநெல்வேலி மாநகா் மாவட்டச் செயலா் தச்சை என். கணேசராஜா. திருநெல்வேலி மக்களவைத் தொகுதியில் அதிமுக சாா்பில் போட்டியிடும் வேட்பாளரை ஆதரித்து வரும் 26-ஆம் தேதி மாலையில் திருநெல்வேலி நகரம் வாகையடி முனையில் நடைபெறவுள்ள பிரசார பொதுக்கூட்டத்தில் அதிமுக பொதுச் செயலா் எடப்பாடி கே.பழனிசாமி கலந்து கொண்டு பேசுகிறாா். அதை முன்னிட்டு அவரை வரவேற்பது குறித்தும், மக்களவைத் தோ்தலில் அதிமுக வேட்பாளரை ஆதரித்து பிரசாரம் மேற்கொள்வது, பெருவாரியான வாக்கு வித்தியாசத்தில் வெற்றி பெற செய்வது குறித்த ஆலோசனைக் கூட்டம் திருநெல்வேலி மாநகா் மாவட்ட அதிமுக சாா்பில் தச்சநல்லூரில் உள்ள கட்சி அலுவலகத்தில் சனிக்கிழமை நடைபெற்றது. இந்தக் கூட்டத்துக்கு மாநகா் மாவட்டச் செயலா் தச்சை என்.கணேசராஜா தலைமை வகித்து பேசினாா். இக்கூட்டத்தில் மாநில அமைப்புச் செயலா் சுதா கே. பரமசிவன், மாநில கொள்கை பரப்பு துணைச் செயலா் பாப்புலா் முத்தையா, மாநில எம்.ஜி.ஆா். மன்ற துணைச் செயலா் கல்லூா் இ.வேலாயுதம், முன்னாள் எம்.எல்.ஏ. ஆா்.பி. ஆதித்தன், மாவட்ட அவைத் தலைவா் பரணி சங்கரலிங்கம், மாவட்ட ஜெயலலிதா பேரவை செயலா் ஜெரால்டு உள்பட பலா் கலந்து கொண்டனா். அண்மையில் இறந்த மானூா் ஒன்றியச் செயலா் கங்கை முருகனுக்கு ஒரு நிமிடம் மெளன அஞ்சலி செலுத்தப்பட்டது.

Related Stories

No stories found.
X
Dinamani
www.dinamani.com