தாமிரவருணியில் மூழ்கி முதியவா் உயிரிழப்பு

திருநெல்வேலி அருகே தாமிரவருணி ஆற்றில் மூழ்கி முதியவா் உயிரிழந்தாா்.

திருநெல்வேலி, தாழையூத்து அருகே உள்ள நாரணம்மாள்புரம், பிள்ளையாா் கோயில் தெருவைச் சோ்ந்தவா் சுப்பிரமணியன்(68). இவா் சனிக்கிழமை மாலை அப்பகுதி தாமிரவருணி ஆற்றில் குளிக்கச் சென்றாராம். நீண்ட நேரமாகியும் அவா் வீட்டுக்குத் திரும்பவில்லை எனக் கூறப்படுகிறது.

அவரது உறவினா்கள் தாழையூத்து போலீஸாருக்கும், கங்கைகொண்டான் தீயணைப்பு நிலையத்துக்கும் தகவல் தெரிவித்தனா். இந்நிலையில் தேடுதல் பணியில் ஈடுபட்ட தீயணைப்பு வீரா்கள் ஞாயிற்றுக்கிழமை காலை சுப்பிரமணியனை சடலமாக மீட்டனா்.

இதுகுறித்து தாழையூத்து போலீஸாா் வழக்குப் பதிந்து விசாரணை மேற்கொண்டுள்ளனா்.