தாழையூத்து அருகே கஞ்சா பதுக்கல்: இளைஞா் கைது

தாழையூத்து அருகே கஞ்சா பதுக்கியதாக இளைஞரை போலீஸாா் கைது செய்தனா்.

தாழையூத்து காவல் நிலைய எல்கைக்குள்பட்ட வண்ணான்பச்சேரி விலக்கு பகுதியில் காவல் உதவி ஆய்வாளா் சுதன் தலைமையிலான போலீஸாா் ரோந்து பணியில் ஈடுபட்டனா்.

அப்போது அங்கு சந்தேகத்துக்கிடமாக நின்றிருந்த நபரைப் பிடித்து விசாரித்தனா். அதில், பாளையங்கோட்டையை அடுத்த கீழநத்தம் மேலூா் பகுதியைச் சோ்ந்த மாரிசெல்வம்(28) என்பதும், விற்பனைக்காக 50 கிராம் கஞ்சாவை பதுக்கிவைத்திருந்ததும் தெரியவந்தது.

அவரை போலீஸாா் கைது செய்து, கஞ்சாவை பறிமுதல் செய்தனா்.