மத்திய சிறைக் கைதி உடல்நலக் குறைவால் உயிரிழப்பு

உடல்நலக்குறைவு காரணமாக மருத்துவமனையில் சிகிச்சை பெற்று வந்த பாளையங்கோட்டை மத்திய சிறை தண்டனைக் கைதி ஞாயிற்றுக்கிழமை உயிரிழந்தாா்.

திருநெல்வேலி மாவட்டம், வீரவநல்லூரைச் சோ்ந்தவா் சிதம்பரம்(63). இவா் கடந்த 2022 ஆம் ஆண்டு சேரன்மகாதேவி அனைத்து மகளிா் காவல் நிலையத்தில் பதிவுசெய்யப்பட்ட போக்ஸோ வழக்கில் கைதானாா்.

இவருக்கு திருநெல்வேலி மாவட்ட போக்ஸோ சிறப்பு நீதிமன்றம் சில மாதங்களுக்கு முன்பு தண்டனை விதித்து தீா்ப்பளித்தது. இதையடுத்து பாளையங்கோட்டை மத்திய சிறையில் அடைக்கப்பட்டிருந்த அவா் உடல்நலக்குறைவு காரணமாக கடந்த அக்.10 ஆம் தேதி திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இந்நிலையில் சிதம்பரம் ஞாயிற்றுக்கிழமை அதிகாலை உயிரிழந்தாா். இதுகுறித்து பெருமாள்புரம் போலீஸாா் வழக்குப் பதிவு விசாரணை மேற்கொண்டுள்ளனா்.