சேரன்மகாதேவி அருகே தொழிலாளி தற்கொலை

திருநெல்வேலி மாவட்டம், சேரன்மகாதேவி அருகே கட்டடத் தொழிலாளி தூக்கிட்டு தற்கொலை செய்து கொண்டாா்.

சேரன்மகாதேவி அருகே பூதத்தான் குடியிருப்பு, தெற்குத் தெருவைச் சோ்ந்த திரவியம் மகன் தனசிங் ராஜா (38). கட்டடத் தொழிலாளி. இவரது மனைவி பஞ்சு (35). இவா்களுக்கு 15 ஆண்டுகளுக்கு முன்பு திருமணம் நடைபெற்று, 2 குழந்தைகள் உள்ளனா்.

இந்நிலையில், கருத்து வேறுபாடு காரணமாக இருவரும் கடந்த 4 ஆண்டுகளாகப் பிரிந்து வாழ்ந்து வருகின்றனா். இதனால், மன வேதனையில் இருந்த தனசிங் ராஜா சனிக்கிழமை இரவு வீட்டில் தூக்கிட்டு தற்கொலை செய்து கொண்டாா்.

சேரன்மகாதேவி போலீஸாா் அவரது உடலைக் கைப்பற்றி கூறாய்வுக்காக திருநெல்வேலி அரசு மருத்துவமனைக்கு அனுப்பி வைத்தனா். மேலும், வழக்குப் பதிந்து விசாரித்தனா்.