பாளை. அருகே மாடு திருட முயன்றவா் கைது
பாளையங்கோட்டை அருகே மாடு திருட முயன்ற வழக்கில் சுமை வாகன ஓட்டுநரை போலீஸாா் கைது செய்தனா்.
கைது
பாளையங்கோட்டை அருகே மாடு திருட முயன்ற வழக்கில் சுமை வாகன ஓட்டுநரை போலீஸாா் கைது செய்தனா்.
பாளையங்கோட்டையை அடுத்த இட்டேரி, முத்தாரம்மன் கோயில் தெருவைச் சோ்ந்தவா் மந்திரமூா்த்தி(35). இவா் ரெட்டியாா்பட்டி அருகே உள்ள தனியாருக்குச் சொந்தமான தோட்டத்தில் மேற்பாா்வையாளராக உள்ளாா். சனிக்கிழமை காலை தோட்டத்தில் இருந்த மாடுகளை மேய்ச்சலுக்காக பணியாளா்கள் அவிழ்த்துவிட்டுள்ளனா்.
அப்போது தோட்டத்தின் அருகே சுமை வாகனத்தில் வந்த சிலா் மேய்ந்துகொண்டிருந்த பசுமாடு ஒன்றை திருட முயன்றனராம். தோட்டப் பணியாளா்கள் அவா்களை பிடிக்க முயன்றபோது, இருவா் அங்கிருந்து தப்பினராம்.
பின்னா் அங்கு நின்ற சுமை வாகன ஓட்டுநரான பாளையங்கோட்டை, பீட் காலனியைச் சோ்ந்த அப்துல்ரகுமான்(55) என்பவரை பிடித்து பெருமாள்புரம் போலீஸில் ஒப்படைத்தனா். இதுகுறித்த புகாரின் பேரில் போலீஸாா் வழக்குப் பதிவு செய்து அப்துல்ரகுமானை சனிக்கிழமை கைது செய்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

