நெல்லை மாநகர மக்கள் கோரிக்கைகளை நிறைவேற்றக் கோரி கையொப்ப இயக்கம்

திருநெல்வேலி மாநகரப் பகுதி மக்களின் கோரிக்கைகளை நிறைவேற்ற வலியுறுத்தி மாா்க்சிஸ்ட் கம்யூனிஸ்ட் கட்சி சாா்பில் கையொப்ப இயக்கம் பாளையங்கோட்டையில் வெள்ளிக்கிழமை தொடங்கியது.

தாமிரவருணி நதியில் கழிவுநீா் கலப்பதைத் தடுக்க வேண்டும். திருநெல்வேலி மாநகரம், விரிவாக்கப் பகுதி குடியிருப்புகளில் நிலவிவரும் குடிநீா்த் தட்டுப்பாட்டை தீா்க்க வேண்டும்.

புதிய பாதாள சாக்கடை திட்டத்தை விரைவாக முடிப்பதோடு, சேதமான சாலைகளை விரைந்து சீரமைக்க வேண்டும்.

குலவணிகா்புரத்தில் ஒய் வடிவ மேம்பாலம் விரைவில் கட்ட வேண்டும் என்பன உள்ளிட்ட கோரிக்கைகளை வலியுறுத்தி கையொப்ப இயக்கம் தொடங்கப்பட்டுள்ளது.

தொடக்க நிகழ்ச்சியில் மாா்க்சிஸ்ட் கம்யூனிஸ்ட் கட்சி பாளையங்கோட்டை பகுதி குழு செயலா் ஆா்.மதுபால் தலைமை வகித்தாா். மாவட்டச் செயலா் க. ஸ்ரீராம் தொடங்கி வைத்தாா். மாவட்ட செயற்குழு உறுப்பினா்கள் ஆா்.மோகன், எம். சுடலைராஜ், , திருநெல்வேலி வட்டார செயலா் செந்தில், மாவட்ட குழு உறுப்பினா்கள் கு. பழனி, காமராஜ் உள்பட பலா் கலந்துகொண்டனா்.

ற்ஸ்ப்21ட்ஹய்க்

பாளையங்கோட்டையில் நடைபெற்ற கையொப்ப இயக்க தொடக்க நிகழ்ச்சியில் பங்கேற்றோா்.