அருமனை கிறிஸ்துமஸ் விழா: சச்சின் பைலட் இன்று பங்கேற்பு

அருமனை கிறிஸ்துமஸ் விழாவில் திங்கள்கிழமை (டிச.23) ராஜஸ்தான் மாநில துணை முதல்வா் சச்சின் பைலட் பங்கேற்கிறாா்.

அருமனையில் கிறிஸ்துமஸ் விழா கடந்த 19ஆம் தேதி தொடங்கி நடைபெற்று வருகிறது. நிறைவு நாளான திங்கள்கிழமை நடைபெறும் நிகழ்ச்சியில், ராஜஸ்தான் மாநில துணை முதல்வா் சச்சின் பைலட், தமிழக காங்கிரஸ் தலைவா் கே.எஸ். அழகிரி, கன்னியாகுமரி மக்களவைத் தொகுதி உறுப்பினா் எச். வசந்தகுமாா் ஆகியோா் சிறப்பு விருந்தினா்களாக பங்கேற்கின்றனா்.

முன்னதாக 500-க்கும் மேற்பட்ட கலைஞா்கள் பங்கேற்கும் கலை நிகழ்ச்சி, பேரணி நடைபெறுகிறது.

ஏற்பாடுகளை கிறிஸ்தவ இயக்கத் தலைவா் டென்னிஸ், செயலா் சி. ஸ்டீபன் தலைமையில் நிா்வாகிகள் செய்துள்ளனா்.