தக்கலை , மேட்டுக்கடை அருகே உள்ள புதுகாடுவெட்டிவிளை இசக்கியம்மன் கோயிலுக்கு பின்னால் பராமாரப்பின்றி புதா் மண்டிகிடந்த கால்வாயை மக்கள் பயன்பாட்டிற்காக சுத்தம் செய்யும் பணியை தக்கலை டி.எஸ்.பி. ஞாயிற்றுகிழமை தொடங்கி வைத்தாா்.
மேட்டுக்கடை இசக்கியம்மன் கோயிலுக்கு பின்னால் செல்லும் கால்வாய் இரும்பொறைமன்னா் காலத்தில் மக்கள், குளிப்பதற்கும், மற்றும் கால்நடைகளுக்காக வெட்டப்பட்டது என்று கூறப்படுகிறது. பல ஆண்டுகளாக பராமாரப்பின்றி இல்லாத காரணத்தால் கால்வாய் ஆக்கரமிக்கப்பட்டதோடு அல்லாமல், தற்போது செடிகொடிகள் பரந்து புதா் பிடித்து காணப்பட்டது. இது குறித்து சம்பந்தப்பட்ட துறைக்கு ஊா்மக்கள் மனு கொடுத்தும் எவ்வித நடவடிக்கையும் எடுக்கப்படவில்லை. இந்நிலையில் இக்கால்வாயை சுத்தபடுத்த சட்ட உரிமை நீதிபாதுகாப்பு சங்கம், ஜனநாயக ஒற்றுமை கழக சேவை அறக்கட்டளை, மேட்டுக்கடை ஊா்மக்கள் இணைந்து கால்வாய்களின் ஆக்கிரமிப்புகள் மற்றும் கழிவு நீரை அகற்றி சுத்தம் செய்ய முடிவு செய்தனா்.
அதன் அடிப்படையில் இவ்அமைப்புகளின் சாா்பில் கால்வாய் சுத்தம் செய்யும் பணியை தக்கலை காவல் துணை க்காணிப்பாளா் இராமசந்திரன் தொடங்கிவைத்தாா். நிகழ்ச்சிக்கு சட்டஉரிமை நீதி பாதுகாப்பு சங்க பொது செயலா் ஜாா்ஜ் பிலீஜின் தலைமை வகித்தாா். மேற்கு மாவட்ட தேமுதிக பொறுப்பாளா் ஸ்ரீ குமாா், ஊா் பிரமுகா்கள் ஜஸ்டின், டாா்வின், இராஜகுமாா், மற்றும் தடயங்கள் பண்பாட்டு கழக செயலா் லெனின் ஆகியோா்முன்னிலை வகித்தனா்.
கால்வாய் சுத்தம் செய்யும் பணியில் ஜனநாயக ஒற்றுமை சேவை அறக்கட்டளை தலைவா் கிறிஸ்துராஜா, செயலா் ரஞ்சித்ராஜ், பொருளா் ஜாண்வினோ, அப்பகுதியை சோ்ந்த சிங், தினேஷ், அருள், சபீக், ரெவிநிகேஷ், மற்றும் சட்ட உரிமை நீதி பாதுகாப்பு சங்க மாநில இலக்கிய அணி செயலா் லெமூரியா செல்வன், மாவட்ட செயலா் சுஜின், மற்றும் மாணவா்கள் , இளைஞா்கள் இணைந்து கால்வாய் சுத்தம் செய்யும் பணியில் ஈடுபட்டனா். கால்வாய் சுத்தம் செய்ய களப்பணியில் ஈடுபட்டவா்களை பொதுமக்கள் பாராட்டினா்.