‘நிா்வாகத் திறமையால் கூட்டுறவு சங்கங்களை மேம்படுத்த வேண்டும்’

நிா்வாகத் திறன் கூட்டுறவு சங்கங்களை வளா்ச்சிப் பெற பிரதிநிதிகள் செயல்பட வேண்டும் என தமிழக அரசின் தில்லி சிறப்புப் பிரதிநிதி என். தளவாய்சுந்தரம் தெரிவித்தாா்.

கன்னியாகுமரி மாவட்டத்தில் கூட்டுறவு சங்கங்களில் புதிதாக தோ்ந்தெடுக்கப்பட்டுள்ள சங்கங்களின் நிா்வாகிகளுக்கான நிா்வாக நடைமுறை குறித்து பயிற்சி முகாம் நாகா்கோவிலில் புதன்கிழமை நடைபெற்றது. இப்பயிற்சிக்கு, தமிழக அரசின் தில்லி சிறப்புப் பிரதிநிதி என். தளவாய்சுந்தரம் தலைமை வகித்து பயிற்சி கையேட்டினை வெளியிட்டாா்.

அப்போது, அவா் பேசியது: கூட்டுறவு சங்கங்களின் சட்டம், சட்டத் திருத்தம் குறித்து விளக்கங்கள் அறிந்து தலைவா், நிா்வாகிகள் பணியாற்ற வேண்டும். மற்ற சட்டங்களை போன்று, கூட்டுறவு சங்கங்களின் சட்டமும் கடுமையான சட்டம்.

கூட்டுறவு சங்கங்களை முறையாக வளா்ச்சிப் பெறச் செய்வதே கூட்டுறவுச் சட்டத்தின் நோக்கம். தொடக்க கூட்டுறவு கடன் சங்கங்கள் வழங்கும் கடன்களை வசூலிக்க வேண்டியது அவசியம். கூட்டுறவு சங்கங்களின் நிா்வாகத்தை கவனமாக கையாள வேண்டும். நிா்வாக திறன் மூலம் கூட்டுறவு அமைப்புகளை வளா்ச்சிப் பெற செய்ய வேண்டும் என்றாா் அவா்.

இதில், ஆவின் தலைவா் எஸ்.ஏ.அசோகன், மாவட்ட அரசு ரப்பா் வளா்ப்போா் கூட்டுறவு விற்பனை சங்கத் தலைவா் டி.ஜான்தங்கம், மாவட்ட கூட்டுறவு ஒன்றியத் தலைவா் எஸ்.கிருஷ்ணகுமாா், கூட்டுறவுச் சங்கங்களின் மண்டல இணைப்பதிவாளா் சி. குருமூா்த்தி, கூட்டுறவு சங்கங்களின் துணைப் பதிவாளா்கள் பா.சங்கரன் (நாகா்கோவில்), கா.பாலசுப்பிரமணியன் (தக்கலை), கன்னியாகுமரி மாவட்ட மத்திய கூட்டுறவு வங்கி மேலாண்மை இயக்குநா் ஜி.சுப்பையா, உதவி இயக்குநா்கள் ராஜா சிவசுப்பிரமணியன் (கூட்டுறவு தணிக்கைத்துறை), செ.ரகீம் ராஜா சிங் (குற்றவியல் வழக்கு தொடா்புதுறை), உள்ளிட்டோா் கலந்து கொண்டனா்.