நாகா்கோவில்: கன்னியாகுமரி மக்களவைத் தொகுதி இடைத்தோ்தல் மற்றும் 6 சட்டப்பேரவைத் தொகுதிகளுக்கான வேட்புமனு தாக்கல் 7 இடங்களில் வெள்ளிக்கிழமை (மாா்ச் 12) தொடங்குகிறது.
தமிழக சட்டப்பேரவை பொது தோ்தல் அடுத்த மாதம் (ஏப்ரல்) 6 ஆம் தேதி நடைபெற உள்ளது. குமரி மாவட்டத்தில் சட்டப்பேரவை தோ்தலுடன் மக்களவை தொகுதிக்கும் இடைத்தோ்தல் நடைபெறுகிறது. இதற்கான வேட்புமனு தாக்கல் மாா்ச் 12 ஆம் தேதி தொடங்குகிறது.
கன்னியாகுமரி மக்களவை தொகுதி இடைத்தோ்தலுக்கான வேட்புமனுக்கள் நாகா்கோவிலில் ஆட்சியா் அலுவலகத்தில் பெறப்படுகிறது. மாவட்ட ஆட்சியரும், தோ்தல் அலுவலருமான மா.அரவிந்திடம் வேட்பாளா்கள் மனுக்களை தாக்கல் செய்ய வேண்டும்.
நாகா்கோவில் சட்டப்பேரவை தொகுதிக்கான வேட்புமனுக்கள் பெறும் அலுவலராக நாகா்கோவில் வருவாய்க் கோட்டாட்சியா் அ.மயில் நியமிக்கப்பட்டுள்ளாா்.
கன்னியாகுமரி தொகுதிக்கான வேட்புமனுக்கள் தோவாளை வட்டாட்சியா் அலுவலகத்தில் பெறப்படும். வேட்புமனுக்கள் பெறும் அலுவலராக மாவட்ட வழங்கல் அதிகாரி சொா்ணராஜ் நியமிக்கப்பட்டுள்ளாா்.
குளச்சல் தொகுதிக்கான வேட்புமனுக்களை பெறும் அலுவலராக மாவட்ட ஆதிதிராவிடா் மற்றும் பழங்குடியினா் நல அலுவலா் நாகராஜன் நியமிக்கப்பட்டுள்ளாா். அவா் குருந்தன்கோடு வட்டார வளா்ச்சி அலுவலகத்தில் வேட்புமனுக்களை பெற்றுக்கொள்வாா்.
பத்மநாபபுரம் தொகுதிக்கான வேட்புமனுக்களை பெறும் அலுவலராக சாா் ஆட்சியா் சிவகுருபிரபாகரன் நியமிக்கப்பட்டுள்ளாா். சாா் ஆட்சியா் அலுவலகத்தில் அவரிடம் வேட்புமனுக்களை தாக்கல் செய்யலாம்.
இதே போல் விளவங்கோடு தொகுதிக்கான வேட்புமனுக்களை பெறும் அலுவலராக மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் மாதவன் நியமிக்கப்பட்டுள்ளாா். அவா் விளவங்கோடு வட்டாட்சியா் அலுவலகத்தில் வேட்புமனுக்களை பெறுவாா்.
கிள்ளியூா் தொகுதிக்கான வேட்புமனுக்கள் பெறும் அலுவலராக நாகா்கோவில் உதவி ஆணையா்( ஆயம்) சங்கரலிங்கம் நியமிக்கப்பட்டுள்ளாா். அவா் கிள்ளியூா் வட்டாட்சியா் அலுவலகத்தில் மனுக்களை பெற்றுக்கொள்வாா்.
வேட்புமனுத் தாக்கல் முற்பகல் 11 மணிக்கு தொடங்கி பிற்பகல் 3 மணிக்கு நிறைவடையும். மாா்ச் 13,14 ஆம் தேதி விடுமுறை நாள்களாகும்.
வேட்புமனுத்தாக்கல் நடைபெறும் இடங்களில் சிசிடிவி கேமரா பொருத்தப்பட்டுள்ளது. மேலும் வேட்புமனு தாக்கல் விடியோவில் பதிவு செய்யவும் நடவடிக்கை மேற்கொள்ளப்பட்டுள்ளது. வேட்புமனுதாக்கல் நடைபெறும் அலுவலகங்களில் பலத்த போலீஸ் பாதுகாப்புக்கும் ஏற்பாடு செய்யப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.