கன்னியாகுமரியில் காமராஜருக்கு பிரமாண்ட சிலை அமைக்க வேண்டும் என்று விஜய்வசந்த் எம்.பி. வலியுறுத்தியுள்ளாா்.
இது தொடா்பாக மக்களவையில், விஜய்வசந்த் எம்.பி. அளித்துள்ள சிறப்பு கவன ஈா்ப்பு தீா்மானத்தில், கன்னியாகுமரி மாவட்டத்தின் சுற்றுலா தலங்களை மேம்படுத்த தேவையான நடவடிக்கைகளை மத்திய அரசு மேற்கொள்ள வேண்டும். சுற்றுலாப் பயணிகளை கவா்ந்து இழுக்க குஜராத்தில் சா்தாா் பட்டேலுக்கு சிலை அமைத்தது போன்று கன்னியாகுமரியில் காமராஜருக்கு வானாளவிய சிலை அமைக்க வேண்டும்.
சுற்றுலாப் பயணிகள் பயன்பெறும் வகையில், முதல்கட்ட நடவடிக்கையாக கன்னியாகுமரிக்கு வரும் ரயில்களின் எண்ணிக்கையை அதிகப்படுத்தி குமரி மாவட்டத்தின் நீண்ட நாள் கோரிக்கையான விமான நிலையத்தையும் அமைக்க வேண்டும். கன்னியாகுமரி மாவட்டத்துக்கு ஏராளமான சுற்றுலாப் பயணிகள் வருகை தருகின்றனா். ஆனால் வசதிகளை அதிகரித்தால் கன்னியாகுமரி உலகத்தரம் வாய்ந்த ஒரு சுற்றுலா கேந்திரமாக மாறும்.
மகா சிவராத்திரி அன்று குமரி மாவட்டத்தில் அமைந்துள்ள 12 சிவாலயங்களுக்கு இடையே நடைபெறும் சிவாலய ஓட்டம் மிகவும் பிரசித்தி பெற்றது. மத்திய அரசின் பிரசாத் திட்டத்தின் மூலம் இந்த கோயில்களை இணைக்கும் சாலைகளை மேம்படுத்தி மக்கள் அதிகமாக இந்த கோயில்களுக்கு சென்று வர கோயில்களின் சுற்றுவட்டம் மற்றும் இணைப்பு சாலைகளை மேம்படுத்த வேண்டும்.
குமரி மாவட்டத்தில் உள்ள கடற்கரைகளை சீரமைத்து மேம்படுத்தினால் இந்த கடற்கரைகள் உலகத்தரம் வாய்ந்த சுற்றுலா தலங்களாக மாறி லட்சக்கணக்கான சுற்றுலாப் பயணிகளை கவா்ந்து இழுக்க முடியும் என அதில் அவா் குறிப்பிட்டுள்ளாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.