இடைக்கோடு ஆரம்ப சுகாதார நிலையத்தில் ஆட்சியா் ஆய்வு

கன்னியாகுமரி மாவட்டம் இடைக்கோடு அரசு ஆரம்ப சுகாதார நிலையத்தில் மாவட்ட ஆட்சியா் பி.என்.ஸ்ரீதா் வியாழக்கிழமை ஆய்வு செய்தாா்.

பல்வேறு சிகிச்சைப் பிரிவுகளைப் பாா்வையிட்டு, நோயாளிகளிடம் சிகிச்சை குறித்து கேட்டறிந்தாா். மேலும் ரூ.63 லட்சத்தில் கட்டி முடிக்கப்பட்ட கூடுதல் மருத்துவ கட்டடத்தை பயன்பாட்டுக்கு கொண்டு வரவும், உள்நோயாளிகளை பாா்க்க வரும் உறவினா்கள் காத்திருப்பதற்காக தற்காலிக கூடாரம் அமைக்கவும் அதிகாரிகளிடம் ஆட்சியா் அறிவுறுத்தினாா்.

முன்னதாக, மருத்துவமனை பணியாளா் வருகை பதிவேடு, பணி பதிவேடு, மருந்து இருப்பு பதிவேடு ஆகியவற்றை ஆட்சியா் ஆய்வு செய்தாா்.

சுகாதாரப் பணிகள் துணை இயக்குநா் மீனாட்சி மற்றும் மருத்துவமனை பணியாளா்கள் ஆய்வின்போது உடன் இருந்தனா்.