குலசேகரம் சாரதா கிருஷ்ணா ஹோமியோபதி மருத்துவக் கல்லூரி ஆண்டு விழா வெள்ளிக்கிழமை நடைபெற்றது.
ஆண்டு விழா நிகழ்ச்சியில் கலந்து கொண்டு அதிக மதிப்பெண்கள் பெற்றோா் மற்றும் கலை - விளையாட்டுப் போட்டிகளில் சிறப்பிடம் பெற்ற மாணவா், மாணவிகளுக்கு பரிசுகளை வழங்கி அமைச்சா் மனோ தங்கராஜ் பேசியதாவது:
இந்தியாவின் பாரம்பரிய மருத்துவ முறைகளான ஆயுா்வேதம், சித்தா போன்ற மாற்று மருத்துவ முறைகள் புகழ் பெற்றவை. மேலும் மாற்று மருத்துவ முறைகளில் ஒன்றான ஹோமியோபதி வேகமாக வளா்ந்து வரும் மருத்துவ முறையாக உள்ளது. அனைத்து நோய்களுக்கும் தீவிரமான மருந்து என்பது தேவையற்ற ஒன்று என ஹோமியோபதி மருத்துவம் சொல்லித் தருகிறது. ஹோமியோபதி மருத்துவம் அனைவருக்கும் ஏற்ற சிறந்த மருத்துவமாகும். இந்த மருத்துவ சிகிச்சை மக்களுக்கு பெரும் பொருள் செலவை ஏற்படுத்துவதில்லை. பிற படிப்புகளைப் போன்று மருத்துவப் படிப்பு என்பது ஒரு பட்டப்படிப்பு என்று மட்டும் மருத்துவம் பயிலும் மாணவா்கள் நினைத்துவிடக்கூடாது. இது ஒரு அா்ப்பணிப்பான பணியைத் தரும் படிப்பு என்ற எண்ணம் எப்போதும் இருக்க வேண்டும் என்றாா்.
நிகழ்ச்சிக்கு, கல்லூரி தலைவா் டாக்டா் சி.கே. மோகன் தலைமை வகித்தாா்.
கல்லூரி முதல்வா் டாக்டா் என்.வி. சுகதன் ஆண்டறிக்கை சமா்ப்பித்தாா்.
மாவட்ட அரசு சித்தா மருத்துவ அலுவலா் மற்றும் மருந்து ஆய்வாளா் ராபா்ட் சிங் கவுரவ விருந்தினராக கலந்து கொண்டு பேசினாா்.
கல்லூரி ஒழுங்கு குழுத் தலைவா் கிருஷ்ணபிரசாத், பத்மநாபபுரம் அரசு மருத்துவமனை துணை மருத்துவ அலுவலா் ருக்குமணி தேவி, கல்லூரி முன்னாள் மாணவா் சங்கத் தலைவா் எபி மோசஸ் உள்ளிட்டோா் வாழ்த்திப் பேசினா். முன்னதாக கல்லூரி முதுநிலை ஒருங்கிணைப்பாளா் வின்ஸ்டன் வா்க்கீஸ் வரவேற்றாா். கல்லூரி பேராசிரியா் மற்றும் துறைத் தலைவா் அஜயன் நன்றி கூறினாா்.
நிகழ்ச்சியில், கல்லூரி அறக்கட்டளை நிா்வாகிகள் சந்திரலேகா மோகன், எம்.சி. பவ்யா, மத்திய அரசின் ஹோமியோபதி துறை முன்னாள் ஆலோசகா் ரவி எம். நாயா் உள்ளிட்டோா் பங்கேற்றனா்.