2025-இல் குமரி விவேகானந்தா் நினைவு மண்டபம், திருவள்ளுவா் சிலை: 28.77 லட்சம் போ் பாா்வையிட்டனா்

கடந்த 2025 இல் கன்னியாகுமரி விவேகானந்தா் நினைவு மண்டபம், திருவள்ளுவா் சிலையை 28.77 லட்சம் சுற்றுலாப் பயணிகள் பாா்வையிட்டுள்ளனா்.

சா்வதேச சுற்றுலாத் தலமான கன்னியாகுமரியில் இருவேறு பாறைகளில் விவேகானந்தா் நினைவு மண்டபம், 133 அடி உயர திருவள்ளுவா் சிலை அமைந்துள்ளது. இவற்றை இணைக்கும் வகையில் அண்மையில் கண்ணாடிப் பாலம் அமைக்கப்பட்டது. நாள்தோறும் ஆயிரக்கணக்கான சுற்றுலாப் பயணிகள் படகுகள் மூலம் நேரில் சென்று பாா்வையிட்டனா்.

புதிதாக கண்ணாடிப் பாலம் அமைக்கப்பட்ட பின்னா் இங்குவரும் சுற்றுலாப் பயணிகள் எண்ணிக்கை அதிகரித்துள்ளது. கடந்த ஓா் ஆண்டில் 28 லட்சத்து 77 ஆயிரத்து 910 சுற்றுலாப் பயணிகள் படகில் சென்று இவற்றை பாா்வையிட்டுள்ளனா். இதன்மூலம் பூம்புகாா் கப்பல் போக்குவரத்துக் கழகத்துக்கு ரூ. 5.42 கோடியே 30 லட்சம் வருமானம் கிடைத்துள்ளது.

கடந்த ஆண்டு ஜனவரியில் 2 லட்சத்து 14 ஆயிரத்து 518 பேரும், பிப்ரவரியில் 1 லட்சத்து 98 ஆயிரத்து 873 பேரும், மாா்ச்சில் 2 லட்சத்து 15 ஆயிரத்து 473 பேரும், ஏப்ரலில் 2 லட்சத்து 9 ஆயிரத்து 377 பேரும், மே மாதத்தில் 3 லட்சத்து 12 ஆயிரத்து 889 பேரும், ஜூன் மாதம் 1 லட்சத்து 91 ஆயிரத்து 799 பேரும் படகில் சென்று பாா்வையிட்டு உள்ளனா்.

ஜூலை மாதம் 1 லட்சத்து 81 ஆயிரத்து 911 பேரும், ஆகஸ்ட் மாதம் 2 லட்சத்து 20 ஆயிரத்து 249 பேரும், செப்டம்பா் மாதம் 1 லட்சத்து 80 ஆயிரத்து 189 பேரும், அக்டோபா் மாதம் 2 லட்சத்து 96 ஆயிரத்து 136 பேரும், நவம்பா் மாதம் 2 லட்சத்து 52 ஆயிரத்து 630 பேரும், டிசம்பா் மாதம் 3 லட்சத்து 46 ஆயிரத்து 392 பேரும் படகில் சென்று பாா்வையிட்டுள்ளனா்.

இதற்கு முந்தைய ஆண்டான 2024 இல் 20 லட்சம் சுற்றுலாப் பயணிகள் படகுப் பயணம் மேற்கொண்டுள்ள நிலையில், கண்ணாடிப் பாலம் திறக்கப்பட்ட பின்னா் கடந்த ஆண்டு கூடுதலாக 8 லட்சத்து 77 ஆயிரத்து 910 சுற்றுலாப் பயணிகள் படகுப்பயணம் செய்துள்ளனா்.

இதன் மூலம் கடந்த ஒரே ஆண்டில் பூம்புகாா் கப்பல் போக்குவரத்து கழகத்துக்கு ரூ. 42 கோடியே 30 லட்சம் வருமானம் கிடைத்தது. இத்தகவலை பூம்புகாா் கப்பல் போக்குவரத்துக் கழக அதிகாரிகள் தெரிவித்தனா்.