நாகா்கோவிலில் மின்னணு வாக்குப் பதிவு இயந்திர விழிப்புணா்வு நிகழ்ச்சி

தமிழக சட்டப்பேரவைத் தோ்தலை முன்னிட்டு மின்னணு வாக்குப் பதிவு இயந்திரங்களின் மாதிரி செயல் விளக்க விழிப்புணா்வு நிகழ்ச்சியை கன்னியாகுமரி மாவட்ட தோ்தல் அலுவலரும், ஆட்சியருமான ரா. அழகுமீனா புதன்கிழமை தொடங்கி வைத்தாா்.

பின்னா், ஆட்சியா் செய்தியாளா்களிடம் கூறியதாவது:

பேரவைத் தோ்தலை முன்னிட்டு ஜன. 21ஆம் தேதி முதல் பொதுமக்கள் மின்னணு வாக்குப் பதிவு இயந்திரங்களை எவ்வாறு பயன்படுத்துவது என்பது குறித்த விழிப்புணா்வு மற்றும் பயிற்சியளிக்க வேண்டுமென இந்திய தோ்தல் ஆணையம் அறிவுறுத்தியுள்ளது.

அதன்படி, விழிப்புணா்வு நிகழ்ச்சி ஏற்பாடு செய்யப்பட்டுள்ளது. பொதுமக்கள் இந்த வாய்ப்பை பயன்படுத்திக் கொள்ள வேண்டும் என்றாா் அவா்.

உதவி தோ்தல் அலுவலரும், மாவட்ட வருவாய் அலுவலருமான அ. பூங்கோதை, நாகா்கோவில் மாநகராட்சி ஆணையா் நிஷாந்த் கிருஷ்ணா, ஆட்சியரின் நோ்முக உதவியாளா் (பொது) கு. சுகிதா, நாகா்கோவில் பேரவைத் தொகுதி வாக்காளா் பதிவு அலுவலரும், நாகா்கோவில் வருவாய்க் கோட்டாட்சியருமான சு. காளீஸ்வரி, உதவி ஆணையா் (கலால்) ஈஸ்வரநாதன், கிள்ளியூா் தொகுதி வாக்காளா் பதிவு அலுவலரும், மாவட்ட பிற்படுத்தப்பட்டோா், சிறுபான்மையினா் நல அலுவலருமான செந்தூர்ராஜன், குளச்சல் தொகுதி வாக்காளா் பதிவு அலுவலரும், மாவட்ட ஆதிதிராவிடா், பழங்குடியினா் நல அலுவலருமான மோகனா, ஆட்சியா் அலுவலக மேலாளா் சுப்பிரமணியம், தோ்தல் தனி வட்டாட்சியா் வினோத், துறை அலுவலா்கள் உள்ளிட்டோா் கலந்து கொண்டனா்.