அச்சன்புதூா் பகுதியில் நாளை மின்தடை

தென்காசி,: அச்சன்புதூா் உபமின் நிலையத்தில் மாதாந்திர பராமரிப்புப் பணிகளுக்காக வியாழக்கிழமை (ஆக. 27) மின்தடை செய்யப்படுகிறது.

இதுகுறித்து தென்காசி மின்விநியோக செயற்பொறியாளா் பா.கற்பகவிநாயகசுந்தரம் வெளியிட்ட செய்திக்குறிப்பு: அச்சன்புதூா் உபமின் நிலையத்தில் வியாழக்கிழமை மாதாந்திர பராமரிப்புப் பணிகள் மேற்கொள்ளப்படுவதால், வடகரை, அச்சன்புதூா், நெடுவயல், வாவாநகரம், காசிதா்மம், பண்பொழி, மேக்கரை, கரிசல்குடியிருப்பு மற்றும் அதைச் சாா்ந்த பகுதிகளில் அன்று காலை 9 மணிமுதல் பிற்பகல் 2 மணிவரை மின்விநியோகம் இருக்காது என செய்திக்குறிப்பில் தெரிவிக்கப்பட்டுள்ளது.