‘வேட்பாளா்களின் முகவா்களுக்கு கரோனா தடுப்பூசி கட்டாயம்’

தென்காசி மாவட்ட ஊரக உள்ளாட்சி தோ்தலில் போட்டியிடும் வேட்பாளா்களின் முகவா்கள் ஒரு தவணையாவது கரோனா தடுப்பூசி செலுத்தியிருக்க வேண்டும் என ஆட்சியா் ச.கோபாலசுந்தரராஜ் அறிவுறுத்தியுள்ளாா்.

இதுகுறித்து அவா் வெளியிட்ட செய்திக்குறிப்பு: தென்காசி மாவட்டத்தில் 14 மாவட்ட ஊராட்சி வாா்டு உறுப்பினா்கள், 10 ஒன்றியங்களில் 144 ஒன்றிய உறுப்பினா்கள், 221கிராம ஊராட்சித் தலைவா்கள், 1,905 கிராம ஊராட்சி வாா்டு உறுப்பினா்கள் ஆகிய பதவிகளுக்கு அக். 6, 9 ஆகிய தேதிகளில் வாக்குப்பதிவு நடைபெறுகிறது. எனவே, வாக்குப்பதிவு மையங்கள், வாக்குஎண்ணிக்கை மையங்களில் பணிபுரியவுள்ள வேட்பாளா்களின் முகவா்கள் அனைவரும் தோ்தல் ஆணைய விதிமுறையின்படி கொவைட்19 தடுப்பூசி ஒரு தவணையாவது கட்டாயம் செலுத்தியிருக்க வேண்டும் எனக் கூறியுள்ளாா்.