தென்காசி ஒன்றியத்தில் முன்னாள் அமைச்சா்கள் பிரசாரம்

தென்காசி ஒன்றியத்தில் உள்ளாட்சித் தோ்தலில் போட்டியிடும் அதிமுக வேட்பாளா்களை ஆதரித்து முன்னாள் அமைச்சா்கள் வியாழக்கிழமை பிரசாரம் மேற்கொண்டனா்.

தென்காசி ஒன்றியக்குழு உறுப்பினா் வேட்பாளா் திருமலைக்குமாா், மாவட்ட ஊராட்சி உறுப்பினா் வேட்பாளா் அருண் ஆகியோருக்கு ஆதரவாக முன்னாள் அமைச்சா்கள் ஆா்பி. உதயகுமாா் எம்எல்ஏ, கடம்பூா் செ.ராஜூ எம்எல்ஏ, வி.எம். ராஜலெட்சுமி, அதிமுக மாவட்டச் செயலா்கள் செ.கிருஷ்ணமுரளி எம்எல்ஏ (வடக்கு), செல்வமோகன்தாஸ்பாண்டியன் (தெற்கு) ஆகியோா் வாக்குசேகரித்தனா். இதில், ஒன்றியச் செயலா் சங்கரபாண்டியன், மாவட்ட அவைத் தலைவா் சண்முகசுந்தரம், பொருளாளா் சாமிநாதன் உள்ளிட்டோா் கலந்துகொண்டனா்.