கேரளத்துக்கு கனிம வளம் கடத்திய லாரி பறிமுதல்

தமிழகத்தில் இருந்து கேரளத்துக்கு கனிம வளம் கடத்திய லாரியை போலீஸாா் புதன்கிழமை பறிமுதல் செய்தனா்.

தென்காசி மாவட்டம், புளியரை சோதனைச் சாவடி வழியாக வந்த வாகனங்களை போலீஸாா் சோதனையிட்டனா். அப்போது அவ்வழியாக வந்த லாரியை சோதனையிட்ட போது, அதில் எம் சாண்ட் மணல் இருப்பதும், வாகனத்தின் பதிவெண் போலியானது என்பதும் தெரியவந்தது.

இதுகுறித்து புளியரை போலீஸாா் வழக்குப் பதிந்து, லாரியை பறிமுதல் செய்து, விசாரணை மேற்கொண்டு வருகின்றனா்.