பாளை.யில் விபத்து: வியாபாரி சாவு

பாளையங்கோட்டையில் சனிக்கிழமை இரவு நிகழ்ந்த விபத்தில் வியாபாரி உயிரிழந்தார்.
பாளையங்கோட்டை கே.டி.சி. நகர் மங்கம்மாள் சாலையைச் சேர்ந்த ராஜபாண்டி மகன் ராஜா (25). இவர், அதே பகுதியில் பலசரக்கு கடை நடத்தி வந்தார். இவர், தனது மோட்டார் சைக்கிளில் பாளையங்கோட்டைக்குச் சென்றுவிட்டு மீண்டும் வீட்டுக்கு புறப்பட்டாராம். 
திருநெல்வேலி அரசு சட்டக்கல்லூரி அருகே சென்றபோது, அவ்வழியாக  வந்த வாகனம் மோதியதில் பலத்த காயமடைந்த ராஜா உயிரிழந்தார். இதுகுறித்து திருநெல்வேலி மாநகர போக்குவரத்து புலனாய்வுப் பிரிவு போலீஸார் வழக்குப்பதிந்து விசாரித்து வருகிறார்கள்.