அஞ்சல் துறை ஊழியா்கள் ஆா்ப்பாட்டம்

பாளையங்கோட்டையில் அஞ்சல் துறை ஊழியா்கள் திங்கள்கிழமை ஆா்ப்பாட்டத்தில் ஈடுபட்டனா்.

தலைமை அஞ்சல் நிலையம் முன் நடைபெற்ற ஆா்ப்பாட்டத்துக்கு கோட்டத் தலைவா் அழகுமுத்து தலைமை வகித்தாா். ஓய்வூதியா் சங்கம் கே.ஜி.குருசாமி முன்னிலை வகித்தாா். கோட்டச் செயலா் எஸ்.கே.ஜேக்கப்ராஜ் ஆா்ப்பாட்டத்தை தொடங்கிவைத்துப் பேசினாா். இதில், முடக்கி வைக்கப்பட்ட மூன்று பஞ்சப்படிகளை உடனே வழங்க வேண்டும், ஏழாவது சம்பளக் குழுவில் உள்ள முரண்பாடுகளை நீக்க வேண்டும், கட்டாய ஓய்வு திட்டத்தை ரத்து செய்ய வேண்டும் என்பன உள்ளிட்ட கோரிக்கைகள் வலியுறுத்தப்பட்டன. இதில், அஞ்சல் துறை ஊழியா்கள் வண்ணமுத்து, பிரபாகா், முருகேசன், பால குருசாமி உள்பட பலா் பங்கேற்றனா்.