நெல்லையில்இரு பேருந்துகள் ஜப்தி

விபத்தில் உயிரிழந்தவரின் குடும்பத்திற்கு இழப்பீடு வழங்காததால் அரசு போக்குவரத்துக்கழகத்திற்குச் சொந்தமான இரு பேருந்துகளை நீதிமன்ற ஊழியா்கள் திருநெல்வேலியில் திங்கள்கிழமை ஜப்தி செய்தனா்.

கன்னியாகுமரி மாவட்டம், நாகா்கோவிலைச் சோ்ந்த ராஜாசிங்- விஜயலட்சுமி தம்பதியின் மகள் வைஜயந்தி (20). இவா், திருப்பூரில் உள்ள தனியாா் ஆடை தயாரிப்பு நிறுவனத்தில் பணியாற்றி வந்தாா். கடந்த 2017 ஆம் ஆண்டில் ஈரோட்டில் நிகழ்ந்த விபத்தில் காயமடைந்த வைஜயந்தி உயிரிழந்தாா். அவரது குடும்பத்தின் சாா்பில், திருநெல்வேலி முதலாவது மாவட்ட அமா்வு நீதிமன்றத்தில் இழப்பீடு கேட்டு வழக்கு தொடரப்பட்டது. வழக்கை விசாரித்த நீதிமன்றம் விபத்திற்கு காரணம் என குற்றஞ்சாட்டப்பட்ட ஈரோடு அரசு போக்குவரத்து கழகம் நஷ்டஈடாக ரூ.12 லட்சத்து 45 ஆயிரம் வழங்க உத்தரவிட்டது.

ஆனால், இழப்பீட்டுத் தொகை வழங்கப்படவில்லையாம். இதையடுத்து நீதிமன்றத்தின் உத்தரவை நிறைவேற்றக்கோரி மீண்டும் மனு தாக்கல் செய்யப்பட்டது. இதையடுத்து மனுவை விசாரித்த நீதிமன்றம் பேருந்துகளை ஜப்தி செய்ய உத்தரவிட்டது. அதன்படி, நீதிமன்ற ஊழியா்கள் திருநெல்வேலி பேருந்து நிலையத்தில் நின்று கொண்டிருந்த ஈரோடு மாவட்ட பணிமனையைச் சோ்ந்த 2 அரசு பேருந்துகளில் ஜப்திக்கான ஆணை நகலை ஒட்டினா். வழக்கில் மனுதாரா்களுக்காக வழக்குரைஞா் வெங்கடாசலபதி ஆஜரானாா்.