களக்காடு நகராட்சி தலைவா் பதவி பெண்களுக்கு ஒதுக்கீடு

களக்காடு நகராட்சியில் தலைவா் பதவி உள்பட அதிக வாா்டுகள் பெண்களுக்கு ஒதுக்கீடு செய்யப்பட்டுள்ளது.

நான்குனேரி வட்டத்தில், 21 வாா்டுகளுடன் தோ்வுநிலை பேரூராட்சியாக இருந்த களக்காடு, தற்போது 27 வாா்டுகள் கொண்ட நகராட்சியாக தரம் உயா்த்தப்பட்டுள்ளது. இங்கு ஆண்கள் 12,579, பெண்கள் 13,575, இதரா் 2 என 26,156 வாக்காளா்கள்உள்ளனா்.

வாா்டுகள் ஒதுக்கீடு விவரம்: நகராட்சித் தலைவா் பதவிக்கு மறைமுக தோ்தல் நடைபெறவுள்ள நிலையில், 14 வாா்டுகள் பெண்களுக்கு ஒதுக்கப்பட்டுள்ளது. களக்காடு நகராட்சியில் தலைவா் பதவி, 1, 8, 10இல் ஆகியவை ஆதிதிராவிடா் (பெண்), 4, 14 வாா்டுகள் ஆதிதிராவிடா் (பொது), 7, 9, 18, 20, 21, 22, 23, 24, 25, 26, 27 ஆகிய 11 வாா்டுகள் பெண்கள் பொதுப்பிரிவுக்கு ஒதுக்கப்பட்டுள்ளன. 2, 3, 5, 6, 11, 12, 13, 15, 16, 17, 19 ஆகிய 11 வாா்டுகளில் பொதுப்பிரிவு ஆண்-பெண் இருபாலரும் போட்டியிடலாம்.