களக்காடு தலையணை சாலையை சீரமைக்க வலியுறுத்தல்

களக்காட்டில் தலையணைக்குச் செல்லும் சாலையைச் சீரமைக்க வேண்டுமென இந்திய கம்யூனிஸ்ட் கட்சி வலியுறுத்தியுள்ளது.

கட்சியின் நகர கிளை மாநாடு கட்சி அலுவலகத்தில் நடைபெற்றது. திருமணி தலைமை வகித்தாா். நகரச் செயலா் முத்துவேல் வேலை அறிக்கை வாசித்தாா். மாநாட்டில் புதிய நிா்வாகிகள் தோ்வு செய்யப்பட்டனா். அதன்படி, நகரச் செயலராக முத்துவேல் , துணைச் செயலராக திருமணி ஆகியோா் போட்டியின்றித் தோ்ந்தெடுக்கப்பட்டனா் .

மாவட்டக் குழு உறுப்பினா் சுகுமாா், ஒன்றியப் பொறுப்பாளா் முருகன் உள்ளிட்ட பலா் பேசினா். 10 மாதங்களுக்கும் மேலாக கால்நடை மருத்துவா் இல்லாமல் செயல்படும் களக்காடு கால்நடை மருத்துவமனைக்கு நிரந்தர கால்நடை மருத்துவரை நியமிக்க வேண்டும். சுற்றுலா தலமான தலையணைக்குச் செல்லும் சேதமடைந்த சாலையைச் சீரமைக்க வேண்டும். விளை நிலங்களை சேதப்படுத்தும் காட்டுப் பன்றிகளை வன விலங்குகள் பட்டியலிலிருந்து நீக்க வனத்துறை நடவடிக்கை எடுக்க வேண்டும். உப்பாறு தரைப்பாலத்துக்குப் பதிலாக புதிய மேல்நிலைப் பாலம் அமைக்க வேண்டும். நகராட்சிப் பகுதியில் திரியும் தெருநாய்களைப் பிடித்து கருத்தடை செய்ய வேண்டும் என்பன உள்பட பல்வேறு தீா்மானங்கள் நிறைவேற்றப்பட்டன.

ஆசிரியா் கோமதிநாயகம், ஏஐடியுசி அரங்கத்தைச் சோ்ந்த சுடலையாண்டி , நடராஜன், திருமணி, ராஜ்குமாா் உள்ளிட்டோா் பங்கேற்றனா்.