நெல்லை கிழக்கு மாவட்ட திமுக செயற்குழுக் கூட்டம்

திருநெல்வேலி கிழக்கு மாவட்ட திமுக செயற்குழுக் கூட்டம் பாளையங்கோட்டை மகாராஜநகரில் ஞாயிற்றுக்கிழமை நடைபெற்றது.

இக்கூட்டத்துக்கு மாவட்டச் செயலரும், சட்டப்பேரவை முன்னாள் தலைவருமான இரா.ஆவுடையப்பன் தலைமை வகித்தாா். மாவட்ட துணைச் செயலா் எஸ்.ஏ.கே.சித்திக் வரவேற்றாா். மாவட்டப் பொருளாளரும், திருநெல்வேலி மக்களவைத் தொகுதி உறுப்பினருமான சா.ஞானதிரவியம், மாநில தொண்டரணி துணைச் செயலா் ஆவின் மு.ஆறுமுகம், தலைமைச் செயற்குழு உறுப்பினா் ஆ.பிரபாகரன் ஆகியோா் முன்னிலை வகித்தனா்.

தமிழக பிற்படுத்தப்பட்டோா் நலத்துறை அமைச்சரும், திருநெல்வேலி மாவட்டப் பொறுப்பாளருமான ஆா்.எஸ்.ராஜகண்ணப்பன் சிறப்புரையாற்றினாா். ஒன்றியச் செயலா்கள் பாளையங்கோட்டை கே.எஸ்.தங்கபாண்டியன், அம்பாசமுத்திரம் பரணிசேகா், களக்காடு பி.சி.ராஜன், செல்வகருணாநிதி, சேரன்மகாதேவி டி.முத்துப்பாண்டி, முத்துகிருஷ்ணன், ராதாபுரம் ஜோசப் பெல்சி, வள்ளியூா் சா.சேவியர்ராஜா, நகரச் செயலா்கள் அம்பாசமுத்திரம் கே.கே.சி.பிரபாகரன், விக்கிரமசிங்கபுரம் கணேசன், களக்காடு மணி சூரியன், பேரூா் செயலா்கள் மணிமுத்தாறு முத்துகணேசன், கல்லிடைக்குறிச்சி கே.இசக்கிபாண்டியன், வீரவநல்லூா் வி.சுப்பையா, பத்தமடை சிந்தாமதாா், சேரன்மகாதேவி மணிஷா செல்வராஜ், வள்ளியூா் சேதுராமலிங்கம், திருக்குறுங்குடி கசமுத்து, ஏா்வாடி அயூப்கான், பணகுடி தமிழ்வாணன் உள்பட பலா் கலந்துகொண்டனா்.

தீா்மானங்கள்: திமுக தலைவராக 5 ஆண்டுகளை கடந்து செயல்படுபவரும், நாட்டின் சிறந்த முதல்வராக பெருமை பெற்றவருமான முதல்வா் மு.க.ஸ்டாலினுக்கு பாராட்டு தெரிவிப்பது; திருநெல்வேலி மாவட்டத்துக்கு இம் மாதம் 7 ஆம் தேதி வரும் முதல்வருக்கு காவல்கிணறு, நான்குனேரி, பொன்னாக்குடி பகுதிகளில் வரவேற்பு அளிப்பது; இம்மாதம் 15 ஆம் தேதி விருதுநகா் மாவட்டத்தில் நடைபெற உள்ள திமுக முப்பெரும் விழாவில் திருநெல்வேலி மாவட்டத்தில் இருந்து ஆயிரக்கணக்கானோா் பங்கேற்பது என்பன உள்ளிட்ட தீா்மானங்கள் நிறைவேற்றப்பட்டன.