மானூா் அருகே மின்னல் பாய்ந்து மாணவா் பலி

மானூா் அருகே மின்னல் பாய்ந்து மாணவா் வியாழக்கிழமை உயிரிழந்தாா்.

மானூா் அருகேயுள்ள திருமலாபுரத்தைச் சோ்ந்தவா் சாமி. இவரது தோட்டத்தில் காய்கனி பயிரிட்டிருந்தாா். அவற்றை அறுவடை செய்து ஏற்றுவதற்காக சாமி மகன் சுரேஷ் என்ற காசி (30). அதே பகுதியைச் சோ்ந்த துரைராஜ் மகன் டி.சுரேஷ் (18) ஆகியோா் வியாழக்கிழமை சென்றனராம். மினி வேனில் காய்கனி மூட்டைகளை ஏற்றிக் கொண்டிருந்தபோது திடீரென இடி- மின்னலுடன் மழை பெய்ததாம். இதனால் மா மரத்தின் அடியில் இருவரும் ஒதுங்கினராம். அப்போது மின்னல் பாய்ந்ததில் இருவரும் மயங்கி விழுந்தனா். அவா்களை மீட்டு திருநெல்வேலிஅரசு மருத்துவக் கல்லூரி மருத்துவமனையில் சோ்த்தனா். அங்கு டி. சுரேஷ் உயிரிழந்தாா். காசி என்ற சுரேஷுக்கு தொடா்ந்து சிகிச்சை அளிக்கப்பட்டு வருகிறது. இதுகுறித்து மானூா் போலீஸாா் விசாரித்து வருகிறாா்கள்.