பாளை.யில் புதிய குடிநீா்த் தொட்டிகள்: அமைச்சரிடம் எம்.பி. கோரிக்கை

பாளையங்கோட்டை பகுதிகளில் புதிய மேல்நிலை குடிநீா்த் தொட்டிகள் அமைக்கக் கோரி தமிழக நகராட்சி நிா்வாகம் ம- குடிநீா் வழங்கல் துறை அமைச்சரும், திருநெல்வேலி மாவட்ட பொறுப்பு அமைச்சருமான கே.என்.நேருவிடம், சி.ராபா்ட் புரூஸ் எம்.பி. புதன்கிழமை மனு அளித்தாா்.

அதன் விவரம்: திருநெல்வேலி மக்களவைத் தொகுதிக்குள்பட்ட திருநெல்வேலி மாநகராட்சியின் 51, 55 ஆவது வாா்டுகளைச் சோ்ந்த குலவணிகா்புரம், தியாகராஜநகா் ஆகிய பகுதிகளில் குடியிருப்புகள் பெருகிவிட்டன. அப்பகுதிகளில் கடுமையான குடிநீா்த் தட்டுப்பாடு நிலவி வருகிறது. ஆகவே, இந்த இரு பகுதிகளுக்கும் தலா 5 லட்சம் லிட்டா் கொள்ளளவு கொண்ட புதிய மேல்நிலை நீா்த்தேக்கத் தொட்டிகள் அமைக்க நடவடிக்கை எடுக்க வேண்டும் எனக் கூறியுள்ளாா்.

மனுவைப் பெற்றுக் கொண்ட அமைச்சா், கோரிக்கையை விரைந்து பரிசீலித்து புதிய குடிநீா்த் தொட்டிகள் அமைக்கப்படும் என உறுதியளித்தாா்.