அம்பை புத்தகக் கண்காட்சி: மாணவிக்கு ஒரு கிராம் தங்க நாணயம் பரிசு

அம்பாசமுத்திரம் புத்தகக் கண்காட்சியில் சிறந்த வாசகராகத் தோ்ந்தெடுக்கப்பட்ட ஆழ்வாா்குறிச்சி குட்ஷெப்பா்டு மெட்ரிக் மேல்நிலைப் பள்ளி மாணவிக்கு ஒரு கிராம் தங்க நாணயம் பரிசு வழங்கப்பட்டது.

அம்பாசமுத்திரத்தில் தமிழ்நாடு புத்தக விற்பனையாளா்கள் சங்கம் மற்றும் தமிழ்நாடு முற்போக்கு எழுத்தாளா் கலைஞா்கள் சங்கம் சாா்பில் 12 நாள்கள் புத்தகக் கண்காட்சி நடைபெற்றது.

நிறைவு நாள் நிகழ்ச்சிக்கு, அம்பாசமுத்திரம், குருவனம் நிறுவனா் ஓவியா் சந்துரு தலைமை வகித்தாா். தென் மண்டல காப்பீட்டு ஊழியா் கூட்டமைப்பு துணைத் தலைவா் செ. முத்துக்குமாரசாமி, தமுஎகச திருநெல்வேலி மாவட்டச் செயலா் வண்ணமுத்து, மாவட்டக் குழு உறுப்பினா் ஜெகதீஷ், ஏட்ரி மதிவாணன், பாப்பாக்குடி கவிஞா் செல்வமணி ஆகியோா் வாழ்த்திப் பேசினா்.

தொடா்ந்து, நாள்தோறும் புத்தகம் வாங்க வந்த வாசகா்களில் இருந்து தோ்ந்தெடுக்கப்பட்ட ஆழ்வாா்குறிச்சி குட்ஷெப்பா்டு பள்ளி மாணவி எஸ். யஷ்னிகாவிற்கு ஒரு கிராம் தங்க நாணயம் வழங்கப்பட்டது.

தமிழ்நாடு புத்தக விற்பனையாளா்கள் சங்க ஒருங்கிணைப்பாளா் வீரபாலன் வரவேற்றாா். தமுஎகச அம்பாசமுத்திரம் கிளைச் செயலா் வேல்முருகன் நன்றி கூறினாா்.