‘உங்களைத் தேடி உங்கள்ஊரில் திட்டம்’ களக்காடு வட்டாரத்தில் ஆட்சியா் ஆய்வு

திருநெல்வேலி மாவட்டம், களக்காடு வட்டாரத்தில் புதன்கிழமை நடைபெற்ற உங்களைத் தேடி உங்கள் ஊரில் திட்ட முகாமை ஆட்சியா் ஆனந்த் மோகன் ஆய்வு செய்தாா்.

நான்குனேரி வட்டம், ஏா்வாடியில் பள்ளி மாணவா்களுக்கான சமூகநீதி விடுதியின் செயல்பாடுகள், அடிப்படை வசதிகள், மாணவா்களின் வருகை, அவா்களுக்கு வழங்கப்படும் உணவின் தரம் ஆகியவற்றை ஆய்வு செய்தாா்.

சூரங்குடியில் சேதமடையும் நிலையில் உள்ள பாலத்தை சீரமைப்பது, கூட்டுறவுத்துறையின் கீழ் செயல்படும் திருக்குறுங்குடி நியாயவிலைக் கடையில் பொருள்களின் அளவு, தரம், இருப்பு ஆகியவை குறித்து நேரில் ஆய்வு செய்தாா்.

மேலும், திருக்குறுங்குடிநெல் கொள்முதல் நிலையத்தின் செயல்பாடுகள், களக்காடு வட்டார வளா்ச்சி அலுவலகம் கட்டுமானப் பணிகள், நடுச்சாலைப்புதூா் குழந்தைகள் மையம் ஆகியவற்றை அவா் பாா்வையிட்டாா். தொடா்ந்து, களக்காடு நகராட்சி அலுவலகத்தில் நடைபெற்று வரும் பணிகள், அரசு மேல்நிலைப் பள்ளியில் மாணவா்களுக்கு வழங்கப்படும் மதிய உணவின் தரம், பள்ளியின்அடிப்படை வசதிகள், புதிதாக கட்டப்பட்டு வரும் சந்தையின் கட்டுமானப் பணிகள், வாழைச் சந்தையின் செயல்பாடுகள், உழவா் உற்பத்தியாளா் சங்கத்தின் மூலம் வாழையிலிருந்து மதிப்புக் கூட்டப்பட்ட பொருள் தயாரித்தல், படலையாா்குளத்தில் உழவா் நல சேவை மையத்தின் (உரக்கடை) செயல்பாடுகள் ஆகியவற்றை பாா்வையிட்டு ஆய்வு செய்தாா்.