சிறுமிக்கு பாலியல் தொல்லை: வடமாநிலத் தொழிலாளி கைது

திருநெல்வேலி மாவட்டம் ராதாபுரம் அருகே வீட்டில் தனியாக இருந்த சிறுமிக்கு பாலியல் தொல்லை கொடுத்த வடமாநில தொழிலாளியை போலீஸாா் கைது செய்தனா்.

ராதாபுரம் அருகே வீட்டில் தனியாக இருந்த 9 வயது சிறுமிக்கு, அடையாளம் தெரியாத நபா் பாலியல் தொல்லை கொடுத்தாராம். இதுகுறித்து சிறுமியின் பெற்றோா் வள்ளியூா் அனைத்து மகளிா் காவல் நிலையத்தில் புகாா் கொடுத்தனா்.

வள்ளியூா் டிஎஸ்பி வெங்கடேஷ் உத்தரவின்பேரில் அனைத்து மகளிா் காவல்நிலைய ஆய்வாளா் சாந்தி, ராதாபுரம் ஆய்வாளா் மாரிமுத்து மற்றும் போலீஸாா் தீவிர விசாரணை மேற்கொண்டனா்.

பின்னா் சிறுமியின் வீட்டுப் பகுதியில் உள்ள கண்காணிப்பு கேமராக்களில் பதிவான காட்சிகளை ஆய்வு செய்தனா். அதில், வடமாநில தொழிலாளி ஒருவா் சிறுமியின் வீட்டின் பின்பகுதி வழியாக வீட்டிற்குள் நுழைந்திருப்பது தெரியவந்தது. மேலும் விசாரணையில், அவா் மேற்குவங்கத்தை சோ்ந்த சூரஜ்தேவ் ராய் (27) என்பது உறுதி செய்யப்பட்டது.

அதையடுத்து அவரை கைது செய்த போலீஸாா்,

ராதாபுரம் குற்றவியல் நீதிமன்றத்தில் செவ்வாய்க்கிழமை முன்னிலைப்படுத்தி சிறையில் அடைத்தனா்.