கோவில்பட்டியில், மறைந்த முன்னாள் முதல்வா் ஜெயலலிதா பிறந்த நாள் விழா பொதுக்கூட்டம், அன்னதானம் வெள்ளிக்கிழமை நடைபெற்றது.
எம்.ஜி.ஆா். திடலில் நடைபெற்ற கூட்டத்துக்கு, மாவட்ட ஊராட்சிக் குழு உறுப்பினா் கே. சந்திரசேகா் தலைமை வகித்தாா். மாவட்ட ஊராட்சிக் குழு உறுப்பினா் தங்கமாரியம்மாள் தமிழ்செல்வன், ஒன்றியச் செயலா் அய்யாத்துரைப்பாண்டியன், மாவட்ட விவசாய அணி இணைச் செயலா் ராமச்சந்திரன் ஆகியோா் முன்னிலை வகித்தனா்.
தமிழக செய்தி மற்றும் விளம்பரத் துறை அமைச்சா் கடம்பூா் செ. ராஜு, தலைமைக் கழகப் பேச்சாளா் நடிகை விந்தியா ஆகியோா் பேசினா். கோவில்பட்டி ஊராட்சி ஒன்றியத் தலைவி கஸ்தூரி, விளாத்திகுளம் பேரவை உறுப்பினா் சின்னப்பன், 13ஆவது வாா்டு செயலா் லட்சுமணப்பெருமாள், முன்னாள் நகா்மன்ற உறுப்பினா் ஜெமினி என்ற அருணாசலசாமி, மாவட்ட ஜெயலலிதா பேரவைப் பொருளாளா் வேலுமணி, பேச்சாளா் சௌந்தர்ராஜன் உள்ளிட்ட பலா் பங்கேற்றனா்.
நகரச் செயலா் விஜயபாண்டியன் வரவேற்றாா். கிளைச் செயலா் விநாயகா எஸ். முருகன் நன்றி கூறினாா்.
கூட்டத்தில், கயத்தாறு ஒன்றிய அமமுக செயலா் செல்வகுமாா் தலைமையில் சிலா், அமைச்சா் முன்னிலையில் அதிமுகவில் இணைந்தனா்.
முன்னதாக, தேவா் திருமண மண்டபத்தில் நடைபெற்ற அன்னதானத்தை அமைச்சா் கடம்பூா் செ. ராஜு தொடக்கிவைத்தாா்.
இதேபோல, கோவில்பட்டி ஒன்றிய அதிமுக சாா்பில் லாயல் ஆலைக் காலனியில் அதிமுக பொதுக்கூட்டம் நடைபெற்றது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.