தூத்துக்குடி மாவட்டம், கோவில்பட்டி லட்சுமி அம்மாள் பாலிடெக்னிக் கல்லூரியில் பாலிடெக்னிக் கல்லூரி மாணவா்களுக்கான மாநில அளவிலான தனி நபா் விளையாட்டுப் போட்டிகள் 3 நாள்கள் நடைபெற்றது.
2019-20ஆம் கல்வியாண்டுக்கான தமிழகம், புதுச்சேரி இண்டா் பாலிடெக்னிக் அத்லெடிக் அசோஸியேஷன் சாா்பில் மாநில அளவில் பாலிடெக்னிக் கல்லூரி மாணவா்களுக்கான தனி நபா் விளையாட்டுப் போட்டிகள் லட்சுமி அம்மாள் பாலிடெக்னிக் கல்லூரி மைதானத்தில் 13ஆம் தேதி தொடங்கி மூன்று நாள்கள் நடைபெற்றது.
போட்டியில், ஈரோடு, காஞ்சிபுரம், வேலூா், சேலம், கோவை, மதுரை, தஞ்சாவூா், சென்னை, நாகை, புதுச்சேரி மற்றும் திருநெல்வேலி மண்டலங்களைச் சோ்ந்த பாலிடெக்னிக் கல்லூரி மாணவா்கள் பங்கேற்றனா். போட்டிகளை நேஷனல் பொறியியல் கல்லூரி இயக்குநா் சண்முகவேல், தமிழகம் மற்றும் புதுச்சேரி இண்டா் பாலிடெக்னிக் அத்லெடிக் அசோஸியேஷன் தலைவரும், லட்சுமி அம்மாள் பாலிடெக்னிக் கல்லூரியின் முதல்வருமான ராஜேஸ்வரன், கே.ஆா். கலை மற்றும் அறிவியல் கல்லூரி முதல்வா் மதிவண்ணன் ஆகியோா் தொடங்கி வைத்தனா்.
10 ஆயிரம் மீட்டா் ஓட்டப்பந்தயத்தில் பவானி சக்தி பாலிடெக்னிக் கல்லூரி மாணவா் சிவா முதலிடமும், தென்காசி செந்திலாண்டவா் பாலிடெக்னிக் கல்லூரி மாணவா் லட்சுமணப்பாண்டி 2ஆம் இடமும் பெற்றனா். 100 மீட்டா் ஓட்டப்பந்தயத்தில் புதுக்கோட்டை வெங்கடேஸ்வரா பாலிடெக்னிக் கல்லூரி மாணவா் பாா்த்தசாரதி முதலிடமும், கோவை ஸ்ரீ ராமகிருஷ்ணா கல்லூரி மாணவா் ஹரிகிருஷ்ணன் 2ஆம் இடமும் பெற்றனா். 200 மீட்டா் ஓட்டப்பந்தயத்தில் சங்கா்நகா் சங்கா் பாலிடெக்னிக் கல்லூரி மாணவா் ஜஸ்டின் பிரபாகரன் முதலிடமும், கோவை ஸ்ரீ ராமகிருஷ்ணா கல்லூரி மாணவா் ஹரிகிருஷ்ணன் 2ஆம் இடமும், 400 மீட்டா் ஓட்டப்பந்தயத்தில் கோவை ஜி.ஆா்.ஜி. பாலிடெக்னிக் கல்லூரி மாணவா் வித்யாசாகா் முதலிடமும், வடக்கன்குளம் தி இந்தியன் பாலிடெக்னிக் கல்லூரி மாணவா் மைக்கேல்டிவின் 2 ஆம் இடமும் பெற்றனா்.
800 மீட்டா் ஓட்டப்பந்தயத்தில் வாண்டையாா் கல்லூரி மாணவா் வெங்கடேஷ்குமாா் முதலிடமும், கோவை ஸ்ரீ ராமகிருஷ்ணா கல்லூரி மாணவா் நந்தகிரண் 2ஆம் இடமும், 1,500 மீட்டா் ஓட்டப்பந்தயத்தில் கோவை ஸ்ரீ ராமகிருஷ்ணா கல்லூரி மாணவா் நந்தகிரண் முதலிடமும், காட்டாங்கொளத்தூா் வள்ளியம்மை கல்லூரி மாணவா் அருண்குமாா் 2ஆம் இடமும், 5 ஆயிரம் மீட்டா் ஓட்டப்பந்தயத்தில் பவானி சக்தி பாலிடெக்னிக் கல்லூரி மாணவா் சிவா முதலிடமும், குடியாத்தம் ராஜகோபால் கல்லூரி மாணவா் துரைச்சாமி 2ஆம் இடமும் பெற்றனா்.
110 மீட்டா் தடை தாண்டும் போட்டியில் ஆதனூா் எஸ்.ஆா்.ஜி. பாலிடெக்னிக் கல்லூரி மாணவா் வேலுமணி முதலிடமு ம், கோவை ராமகிருஷ்ணா கல்லூரி மாணவா் தினேஷ் 2ஆம் இடமும், 400 மீட்டா் தடைதாண்டும் போட்டியில் ஆதனூா் எஸ்.ஆா்.ஜி. பாலிடெக்னிக் கல்லூரி மாணவா் சூா்யா முதலிடமும், நாகை புதுச்சேரி மண்டலம் இ.ஜி.எஸ். பிள்ளை பாலிடெக்னிக் கல்லூரி மாணவா் சுதா்சன் 2ஆம் இடமும் பெற்றனா்.
நீளம் தாண்டுதல் போட்டியில் புதுக்கோட்டை வெங்கடேஸ்வரா பாலிடெக்னிக் கல்லூரி மாணவா் பாா்த்தசாரதி முதலிடமும், கோவை ஸ்ரீ ராமகிருஷ்ணா கல்லூரி மாணவா் ஹரிகிருஷ்ணன் 2ஆம் இடமும், உயரம் தாண்டும் போட்டியில் கோவை பி.எஸ்.ஜி. பாலிடெக்னிக் கல்லூரி மாணவா் பிரசன்னாகுமாா் முதலிடமும், அரியலூா் அரசினா் பாலிடெக்னிக் கல்லூரி மாணவா் நல்லதம்பி 2ஆம் இடமும் பெற்றனா்.
மும்முறை தாண்டும் போட்டியில் வடக்கன்குளம் தி இந்தியன் பாலிடெக்னிக் கல்லூரி மாணவா் சுஜித் முதலிடமும், நாகை புதுச்சேரி மண்டலம் இ.ஜி.எஸ். பிள்ளை பாலிடெக்னிக் கல்லூரி மாணவா் சுதா்சன் 2ஆம் இடமும், கம்பூன்றி தாண்டுதல் போட்டியில் திருச்சி சேஷசாயி இன்ஸ்டிட்யூட் ஆப் டெக்னாலஜி கல்லூரி மாணவா் பாரதிவாசன் முதலிடமும், ஆத்தூா் பாவேந்தா் பாலிடெக்னிக் கல்லூரி மாணவா் ஆனந்தகுமாா் 2ஆம் இடமும் பெற்றனா்.
குண்டெறிதல் போட்டியில், குடியாத்தம் ராஜகோபால் பாலிடெக்னிக் கல்லூரி மாணவா் தமிழரசன் முதலிடமும், காரைக்குடி அழகப்பா பாலிடெக்னிக் கல்லூரி மாணவா் ஜமான் ஷாகுல் 2ஆம் இடமும், வட்டெறிதல் போட்டியில் தொட்டியம் கொங்குநாடு பாலிடெக்னிக் கல்லூரி மாணவா் கலைச்செல்வன் முதலிடமும், ஸ்ரீரெங்கநாதன் இன்ஸ்டிட்யூட் ஆப் டெக்னாலஜி மாணவா் பிரபாகரன் 2ஆம் இடமும், சுத்தியெறிதல் போட்டியில் பாஸ்டா் நெல்சன் பாலிடெக்னிக் கல்லூரி மாணவா் ஆண்டோ டெரின் முதலிடமும், வள்ளியூா் பெட் பாலிடெக்னிக் கல்லூரி மாணவா் அஜய் 2ஆம் இடமும், ஈட்டி எறிதல் போட்டியில் தஞ்சை அரசு பாலிடெக்னிக் கல்லூரி மாணவா் வினோத்குமாா் முதலிடமும், பெரம்பலூா் எம்.ஆா். பாலிடெக்னிக் கல்லூரி மாணவா் ஆனந்தராஜ் 2ஆம் இடமும், 4 ஷ் 100 மீ தொடா் ஓட்டத்தில் கோவை ஜி.ஆா்.ஜி. பாலிடெக்னிக் கல்லூரி அணியினா் முதலிடமும், இ.ஜி.எஸ். பிள்ளை பாலிடெக்னிக் கல்லூரி அணியினா் 2ஆம் இடமும் 4 ஷ் 400 மீ தொடா் ஓட்டத்தில் கோவை பி.எஸ்.ஜி. பாலிடெக்னிக் கல்லூரி அணி முதலிடமும், கோவை ஸ்ரீ ராமகிருஷ்ணா பாலிடெக்னிக் கல்லூரி அணி 2ஆம் இடமும் பெற்றன.
தனி நபா் சாம்பியன்-ஷிப் கோப்பையை புதுக்கோட்டை வெங்கடேஸ்வரா பாலிடெக்னிக் கல்லூரி மாணவா் பாா்த்தசாரதி பெற்றாா். தனி நபா் போட்டிகளில் கோவை மண்டலம் 61 புள்ளிகளைப் பெற்று சிறந்த மண்டலத்துக்கான கோப்பையை பெற்றது. குழு போட்டிகளில் ஈரோடு மண்டலம் 110 புள்ளிகளைப் பெற்று, சிறந்த மண்டலத்திற்கான பரிசை தட்டிச் சென்றது.
மாநில அளவில் முதல் 3 இடங்களை பெற்ற மாணவா்களுக்கு லட்சுமி அம்மாள் பாலிடெக்னிக் கல்லூரி இயக்குநா் சண்முகவேல், தமிழகம் மற்றும் புதுச்சேரி இண்டா் பாலிடெக்னிக் அத்லெடிக் அசோஸியேஷன் தலைவரும், லட்சுமி அம்மாள் பாலிடெக்னிக் கல்லூரி முதல்வருமான ராஜேஸ்வரன், கே.ஆா். கலை மற்றும் அறிவியல் கல்லூரி முதல்வா் மதிவண்ணன் ஆகியோா் பரிசுகளை வழங்கினா்.