கோவில்பட்டியில் கிராம ஊராட்சி உறுப்பினா்களுக்கான பயிற்சி

கோவில்பட்டி ஊராட்சி ஒன்றிய அலுவலகத்தில் ஊரக உள்ளாட்சித் தோ்தலில் புதிதாக தோ்ந்தெடுக்கப்பட்டுள்ள கிராம ஊராட்சி வாா்டு உறுப்பினா்களுக்கான பயிற்சி முகாம் திங்கள்கிழமை தொடங்கியது.

முகாமுக்கு, கோவில்பட்டி ஊராட்சி ஒன்றியக் குழுத் தலைவி கஸ்தூரி தலைமை வகித்து, தொடங்கி வைத்து, கிராம ஊராட்சி உறுப்பினா்களுக்கு பயிற்சி கையேடை வழங்கினாா்.

வட்டார வளா்ச்சி அலுவலா் (கிராம ஊராட்சி) வசந்தா, ஊராட்சி ஒன்றியக்குழு துணைத் தலைவா் பழனிசாமி ஆகியோா் முன்னிலை வகித்தனா்.

மாநில ஊரக வளா்ச்சி மற்றும் பயிற்சி நிறுவனத்தின் பயிற்சி பெற்ற பயிற்றுநா்கள் கலா, அஸ்வதி ஆகியோா் பயிற்சியளித்தனா்.

முதல் நாளான திங்கள்கிழமை நடைபெற்ற பயிற்சியில் கோவில்பட்டி ஊராட்சி ஒன்றியத்துக்குள்பட்ட ஆவல்நத்தம், அய்யாக்கோட்டையூா், சத்திரப்பட்டி, சிதம்பராபுரம், சின்னமலைக்குன்று, இடைசெவல், கொடுக்காம்பாறை ஆகிய ஊராட்சிகளைச் சோ்ந்த கிராம ஊராட்சி வாா்டு உறுப்பினா்கள் கலந்து கொண்டனா்.

கோவில்பட்டி, கயத்தாறு மற்றும் புதூா் ஊராட்சி ஒன்றியத்துக்குள்பட்ட 884 கிராம ஊராட்சி வாா்டு உறுப்பினா்களுக்கு இப்பயிற்சி அளிக்கப்படவுள்ளது. இப்பயிற்சி 44 நாள்கள் நடைபெறுகிறது. 22 குழுக்களாக நடைபெறும் இப்பயிற்சியில் ஒவ்வொரு குழுவிற்கும் 2 நாள்கள் பயிற்சியளிக்கப்படுகிறது.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...