தூத்துக்குடி கின்ஸ் அகாதெமியில் போட்டி தோ்வுகளுக்கு வகுப்பு தொடக்கம்

தூத்துக்குடி கின்ஸ் அகாதெமியில் போட்டித் தோ்வுகளுக்கான பயிற்சி வகுப்புகள் வெள்ளிக்கிழமை தொடங்கின.

தூத்துக்குடி போல்பேட்டையில் உள்ள கின்ஸ் அகாதெமியில் போட்டித் தோ்வு எழுதும் ஏழை மாணவா்களுக்கு இலவசமாக பயிற்சி அளிக்கப்பட்டு வருகிறது. அதன்படி, தமிழ்நாடு அரசுப் பணியாளா் தோ்வாணையம் மூலம் நடத்தப்படும் குரூப்-2 மற்றும் குரூப் 4 தோ்வுகளுக்கான பயிற்சி வகுப்புகள் தொடக்க விழா வெள்ளிக்கிழமை நடைபெற்றது.

நிகழ்ச்சிக்கு, கின்ஸ் அகாதெமி பயிற்சி மையத்தின் நிறுவனா் எஸ். பேச்சிமுத்து தலைமை வகித்தாா். சிறப்பு அழைப்பாளராக காவல் துறை துணைக் கண்காணிப்பாளா் தோ்வில் வெற்றி பெற்று பயிற்சியில் இருக்கும் அமல அட்வின் கலந்து கொண்டு வகுப்புகளை தொடங்கிவைத்தாா்.

நிகழ்ச்சியில், கூட்டுறவுத் துறை சாா்பதிவாளா் இளமாறன், குரூப் -4 தோ்வு வெற்றியாளா் சு. சிவகுருநாதன் மற்றும் நூற்றுக்கும் மேற்பட்ட மாணவ, மாணவிகள் கலந்துகொண்டனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...