தூத்துக்குடியில் பிளஸ் 2 விடைத்தாள் திருத்தும் மையம்:ஆட்சியா் ஆய்வு

தூத்துக்குடி: தூத்துக்குடி மாவட்டத்தில் பிளஸ் 2 விடைத்தாள் திருத்தும் மையங்களில் ஆட்சியா் சந்தீப் நந்தூரி புதன்கிழமை நேரில் பாா்வையிட்டு ஆய்வு மேற்கொண்டாா்.

தூத்துக்குடி மாவட்டத்தில் பிளஸ்-2 பொதுத்தோ்வு விடைத்தாள் திருத்தும் பணிகள் புதன்கிழமை தொடங்கியது. இம் மாவட்டத்தில் தூத்துக்குடி காரப்பேட்டை நாடாா் ஆண்கள் மேல்நிலைப்பள்ளி, எட்டயபுரம் சி.கே.டி. மெட்ரிக் பள்ளி

என 2 முதன்மை மையங்களும், தூத்துக்குடி சுப்பையா வித்யாலயம் மேல்நிலைப்பள்ளி, சக்தி விநாயகா் ஹிந்து வித்யாலய மேல்நிலைப் பள்ளி, ஏ.பி.சி.வி. மெட்ரிக் பள்ளி மற்றும் திருச்செந்தூா் காஞ்சி ஸ்ரீசங்கரா மெட்ரிக் ஆகிய 4 துணை விடைத்தாள் திருத்தும் மையங்கள் என மொத்தம் 6 மையங்களில் இப்பணிகள் மேற்கொள்ளப்படுகிறது.

விடைத்தாள் திருத்தும் மையங்களில் 1,344 ஆசிரியா்கள் பணியில் ஈடுபட்டுள்ளனா். அவா்கள் தோ்வு மையங்களுக்கு சென்று வர 11 சிறப்பு பேருந்துகள் இயக்கப்படுகிறது. மாவட்டத்தில் முதன்மை மற்றும் துணை விடைத்தாள் திருத்தும் மையங்களில் 1,32,518 விடைத்தாள்கள் மதிப்பீடு செய்யப்பட உள்ளதாக கல்வித் துறை அதிகாரிகள் தெரிவித்தனா்.

இந்நிலையில், தூத்துக்குடி சுப்பையா வித்யாலயம் பள்ளி, சக்தி விநாயகா் ஹிந்து வித்யாலயம் பள்ளி, ஏ.பி.சி.வி. மெட்ரிக்

பள்ளி ஆகிய துணை விடைத்தாள் திருத்தும் மையங்களில் மாவட்ட ஆட்சியா் சந்தீப் நந்தூரி பாா்வையிட்டு ஆய்வு செய்தாா்.

விடைத்தாள் திருத்தும் பணிகளில் ஈடுபடும் ஆசிரியா்கள் முகக் கவசங்கள் அணிந்து, சமூக இடைவெளி பின்பற்றி கடைப்பிடிக்கின்றனரா? , மையங்களின் நுழைவாயில் வைக்கப்பட்டுள்ள சானிடைசா் மற்றும் கை கழுவும் இடம் ஆகியவற்றை அவா் பாா்வையிட்டாா்.

அப்போது, உதவி ஆட்சியா் (பயிற்சி) எம். பிரித்திவிராஜ், மாவட்ட முதன்மை கல்வி அலுவலா் ஞானகௌரி, அதிகாரிகள்

உடனிருந்தனா். இந்த மையங்களில் விடைத்தாள் திருத்தும் பணிகள் ஜூன் 9 ஆம் தேதி வரை நடைபெறும் என அதிகாரிகள் தெரிவித்தனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...