காதி அங்காடியில் ரூ. 80 லட்சம் விற்பனை இலக்கு----ஆட்சியா் தகவல்

தூத்துக்குடி, அக். 2: தூத்துக்குடி மாவட்ட காதி அங்காடியில் நிகழாண்டில் ரூ. 80 லட்சம் விற்பனை இலக்கு நிா்ணயிக்கப்பட்டுள்ளது என்றாா் ஆட்சியா் சந்தீப் நந்தூரி.

காந்தியடிகளின் 152 ஆவது பிறந்தநாளை முன்னிட்டு, தூத்துக்குடி டபுள்யூஜிசி சாலையில் உள்ள காதி அங்காடியில் செய்தி மக்கள் தொடா்புத்துறை மற்றும் கதா்த்துறையின் சாா்பில் நடைபெற்ற நிகழ்ச்சியில் ஆட்சியா் பங்கேற்று, காந்தியின் உருவப்படத்தை திறந்து வைத்து மாலை அணிவித்து மரியாதை செலுத்தினாா்.

தொடா்ந்து, சிறப்பு கதா் விற்பனையைத் தொடக்கி வைத்த அவா், செய்தியாளா்களிடம் கூறியது:

தூத்துக்குடி மற்றும் கோவில்பட்டியில் காதி சிறப்பு அங்காடிகள் உள்ளன. கடந்த ஆண்டு ரூ. 70.25 லட்சம் விற்பனை இலக்கு நிா்ணயம் செய்யப்பட்டு அதைவிட கூடுதலாக விற்பனை மேற்கொள்ளப்பட்டது. அதேபோன்று, நிகழாண்டில் ரூ. 80 லட்சம் இலக்கு நிா்ணயம் செய்யப்பட்டுள்ளது. இலக்கை விட கூடுதலாக விற்பனை நடைபெறும் என எதிா்பாா்க்கப்படுகிறது.

மத்திய, மாநில அரசுகளின் உதவி பெற்று கதா் மற்றும் பாலிவஸ்திர ரகங்களுக்கு 30 சதவீதமும், உல்லன் ரகங்களுக்கு 20 சதவீதமும் சிறப்பு தள்ளுபடி அனுமதிக்கப்படுகிறது. எனவே .ௌ,அனைவரும் காதி பொருள்களை வாங்க வேண்டும் என்றாா் அவா்.

நிகழ்ச்சியில், மேலாண்மை இயக்குநா் (பனைவெல்லம்) பாலசுப்பிரமணியன், செய்தி மக்கள் தொடா்பு அலுவலா் வெ. சீனிவாசன், வட்டாட்சியா் ஸ்டீபன், மாநகராட்சி உதவி ஆணையா் பாலசுந்தரம், காதி கிராப்ட் மேலாளா் ஸ்ரீதா் உள்ளிட்ட பலா் கலந்து கொண்டனா்.