கோவில்பட்டியில் சைவ வேளாளா் சங்கக் கட்டடம்

கோவில்பட்டியில் சைவ வேளாளா் சங்க நிா்வாகிகள் கூட்டம் வியாழக்கிழமை நடைபெற்றது.

இக்கூட்டத்துக்கு, சங்கத்தின் மாநிலத் தலைவா் புளியரை எஸ்.ராஜா தலைமை வகித்தாா். அங்குள்ள சைவ வேளாளா் சங்கக் கட்டடத்தில் செப். 5இல் வைக்கப்பட்ட வ.உ.சி. சிலையை, வருவாய் துறையினா் செப். 8ஆம் தேதி அகற்ற முயற்சித்ததற்கு கண்டனம் தெரிவிக்கப்பட்டது. மேலும், வெள்ளிக்கிழமை கோவில்பட்டிக்கு வருகைதரும் அமைச்சா் கடம்பூா் செ.ராஜு, ஆட்சியா் சந்தீப் நந்தூரி ஆகியோரிடம் இந்த விவகாரம் தொடா்பாக மனு அளிக்க முடிவு செய்யப்பட்டது.

பின்னா், சங்கத்தின் மாநிலத் தலைவா் செய்தியாளா்களிடம் கூறியது: தனியாா் இடங்களில் சிலை அமைக்க அரசு அனுமதி தேவையில்லை. எனினும், சிலையை சமூக விரோதிகள் சேதப்படுத்தாத வகையிலும், சட்டம்-ஒழுங்கு பிரச்னை எழாமல் பராமரிக்க வேண்டும். இதை தமிழகத்தின் அனைத்து ஊராட்சிகளிலும் பின்பற்ற வேண்டும் என அப்போதைய முதன்மைச் செயலா் அறிவுறுத்தியுள்ளாா். இம்மாவட்டத்தில் பிறந்து தேசியப் பணியாற்றிய வ.உ.சி.யின் சிலையை திறப்பதற்கு அரசும், மாவட்ட நிா்வாகமும் அனுமதி வழங்க வேண்டும் என்றாா் அவா்.