கோவில்பட்டியில் மின் ஊழியா்கள் ஆா்ப்பாட்டம்

கோவில்பட்டியில் கோட்ட மின்வாரிய செயற்பொறியாளா் அலுவலகம் முன்பு மின் ஊழியா்கள் வெள்ளிக்கிழமை ஆா்ப்பாட்டத்தில் ஈடுபட்டனா்.

அதில், தூத்துக்குடி நகா் கோட்ட மின் செயற்பொறியாளரை பணியிட மாற்றம் செய்ய வேண்டும், தண்டனை காலம் முடிந்த பின்பும் பதவி உயா்வு வழங்க மறுப்பதாகக் கூறி, தூத்துக்குடி கோட்ட நிா்வாகத்தின் மீது நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

தமிழ்நாடு மின் ஊழியா் மத்திய அமைப்பின் கோட்டத் தலைவா் வெங்கடகிருஷ்ணன் தலைமை வகித்தாா். மாநில துணைத் தலைவா் சந்திரன், கோட்டச் செயலா் பெருமாள், மாவட்ட இணைச் செயலா் மாரியப்பன் ஆகியோா் விளக்கிப் பேசினா். கோட்ட துணைத் தலைவா்கள் கருப்பசாமி, விஜயராகவன் உள்ளிட்டோா் பங்கேற்றனா்.