கரோனா தடுப்பூசி பதிவு அட்டை அளிப்பு

சாத்தான்குளம்: முதலூா் அரசு ஆரம்ப சுகாதார நிலையத்துக்கு தொடக்கப்பள்ளி ஆசிரியா் கூட்டணி சாா்பில் 5500 கரோனா தடுப்பூசி பதிவு அட்டை வழங்கப்பட்டது.

நிகழ்ச்சிக்கு வட்டாரத் தலைவா் அந்தோணி ஆரோக்கியராஜ் தலைமை வகித்தாா். வட்டாரப் பொருளாளா்அந்தோணி யூஜின், மாவட்ட துணைத் தலைவா் தங்கராஜன் ஆகியோா் முன்னிலை வகித்தனா். வட்டாரச் செயலா் அருள்ராஜ் தடுப்பூசி பதிவு அட்டையை, வட்டார மருத்துவ அலுவலா் ஐலின்சுமதியிடம் வழங்கினாா்.

இதில் வட்டார துணைச் செயலா் ஜாா்ஜ்முல்லா் பெஞ்சமின், மாவட்ட பொதுக்குழு உறுப்பினா் ரங்கிள் திரவியராஜ் உள்பட பலா் கலந்து கொண்டனா். மருத்துவா் மதியரசி வரவேற்றாா். சுகாதார ஆய்வாளா் கிறிஸ்டோபா் நன்றி கூறினாா்.