கோவில்பட்டியில் ராதிகா போட்டியிடத் திட்டம்
By DIN | Published On : 04th March 2021 04:03 AM | Last Updated : 04th March 2021 04:03 AM | அ+அ அ- |
தூத்துக்குடி: தூத்துக்குடி மாவட்டத்தில் உள்ள கோவில்பட்டி அல்லது சென்னை வேளச்சேரி சட்டப்பேரவைத் தொகுதியில் போட்டியிட நடிகை ராதிகா சரத்குமாா் திட்டமிட்டுள்ளாா்.
தூத்துக்குடியில் புதன்கிழமை நடைபெற்ற அகில இந்திய சமத்துவ மக்கள் கட்சியின் பொதுக்குழு கூட்டத்தில் பேசிய, அக்கட்சியின் கொள்கை பரப்புச் செயலா் விவேகானந்தன், கட்சியின் முதன்மை பொதுச் செயலரான ராதிகா சரத்குமாா் சென்னை வேளச்சேரி தொகுதியில் போட்டியிட வேண்டும் என கேட்டுக் கொண்டாா்.
தொடா்ந்து, ராதிகா சரத்குமாா் பேசுகையில், இருட்டில் இருந்து கொண்டு வெளிச்சம் தருவோம் என்று திமுக தலைவா் சொல்கிறாா். இருட்டை கொண்டு வந்ததே அவா்கள்தான். தான், அடுத்து தனது மகன் என நீண்ட மெகா தொடரை போன்றது திமுக கட்சி.
கட்சியின் தலைவா் கட்டளையிட்டால் நடைபெற உள்ள சட்டப்பேரவைத் தோ்தலில் நிச்சயமாக போட்டியிடுவேன். சென்னை வேளச்சேரி அல்லது தூத்துக்குடி மாவட்டத்தில் உள்ள கோவில்பட்டி தொகுதியில் போட்டியிடுவேன் என்றாா் அவா்.
ராதாபுரம் தொகுதி வேட்பாளா் டி.டி.என். லாரன்ஸ்.
தூத்துக்குடி, மாா்ச் 3: தூத்துக்குடியில் புதன்கிழமை நடைபெற்ற அகில இந்திய சமத்துவ மக்கள் கட்சியின் பொதுக்குழுவில் பேசிய அக்கட்சியின் தலைவா் ஆா். சரத்குமாா், சட்டப்பேரவைத் தோ்தலில் ராதாபுரம் தொகுதியில் சமத்துவ மக்கள் கட்சியின் சாா்பில் டி.டி.என். லாரன்ஸ் போட்டியிடுவாா் என அறிவித்தாா்.
டி.டி.என். லாரன்ஸ் தற்போது சமத்துவ மக்கள் கட்சியின் அரசியல் ஆலோசகராக உள்ளாா். வள்ளியூா் பேரூராட்சியின் முன்னாள் தலைவரான இவா், ஆரம்ப காலத்தில் இருந்தே சமத்துவ மக்கள் கட்சியில் உள்ளாா். முன்னாள் மாவட்டச் செயலராகவும் இருந்துள்ளாா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
