கோவில்பட்டி, விளாத்திகுளத்தில் வைகோ இன்று பிரசாரம்

தூத்துக்குடி மாவட்டம் கோவில்பட்டி, விளாத்திகுளத்தில் மதிமுக பொதுச் செயலா் வைகோ வியாழக்கிழமை (மாா்ச் 25) பிரசாரம் மேற்கொள்கிறாா்.

இதுகுறித்து தூத்துக்குடி வடக்கு மாவட்ட திமுக பொறுப்பாளா் கீதா ஜீவன் எம்எல்ஏ வெளியிட்ட அறிக்கை: மதச்சாா்பற்ற முற்போக்குக் கூட்டணி சாா்பில், கோவில்பட்டி பேரவைத் தொகுதி மாா்க்சிஸ்ட் கம்யூனிஸ்ட் வேட்பாளா் சீனிவாசனை ஆதரித்து, மதிமுக பொதுச் செயலா் வைகோ வியாழக்கிழமை (மாா்ச் 25) மாலை 5 மணிக்கு கோவில்பட்டி காமராஜ் சிலை அருகே பிரசாரம் செய்கிறாா்.

தொடா்ந்து, மாலை 6 மணிக்கு விளாத்திகுளம் பேரவைத் தொகுதியில் போட்டியிடும் திமுக வேட்பாளா் ஜீ.வி. மாா்க்கண்டேயனை ஆதரித்து புதூா் பேருந்து நிலையம் அருகே நடைபெறும் தோ்தல் பிரசார பொதுக்கூட்டத்தில் வைகோ பேசுகிறாா்.

சனிக்கிழமை (மாா்ச் 27) மாலை 6 மணிக்கு தூத்துக்குடி சிதம்பரநகா் பேருந்து நிறுத்தம் எதிரில் நடைபெறும் பொதுக்கூட்டத்தில் வைகோ பங்கேற்று, தூத்துக்குடி திமுக வேட்பாளா் கீதா ஜீவனை ஆதரித்துப் பேசுகிறாா் என்றாா் அவா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...