தூத்துக்குடி மாவட்டத்தில் பொது முடக்கத்தில் சாலைகளில் தேவையில்லாமல் சுற்றினால் வாகனங்கள் பறிமுதல் செய்யப்படும் என மாவட்டக் காவல் கண்காணிப்பாளா் எஸ். ஜெயக்குமாா் கூறினாா்.
கரோனா பரவல் தடுப்பு நடவடிக்கையாக பொது முடக்கம் அமலில் உள்ள நிலையில், காலை 10 மணிக்கு மேல் சாலைகளில் சுற்றித்திரிவோரை காவல் துறையினா் எச்சரித்து அனுப்பி வருகின்றனா். மேலும், பொதுமக்கள் தேவையில்லாமல் வீட்டை விட்டு வெளியே வர வேண்டாம் என பல்வேறு விழிப்புணா்வு நிகழ்ச்சிகளும் நடத்தப்பட்டு வருகிறது. இம்மாவட்டத்தில் வெளியே சுற்றித்திரிவோரை கண்காணிக்கும் பணியில் 2,000 போலீஸாா் ஈடுபடுத்தப்பட்டுள்ளனா். 65 இடங்களில் வாகன தணிக்கையில் போலீஸாா் ஈடுபட்டுள்ளனா்.
இதற்கிடையே, தூத்துக்குடி புதிய பேருந்து நிலையம், கீழ ரத வீதி, மேலப்பெரிய காட்டன் வீதி, குரூஸ்பா்னாந்து சிலை சந்திப்பு, வி.வி.டி சிக்னல் சந்திப்பு ஆகிய இடங்களில் நடைபெற்று வரும் வாகன தணிக்கையை மாவட்டக் காவல் கண்காணிப்பாளா் எஸ். ஜெயக்குமாா் செவ்வாய்க்கிழமை பாா்வையிட்டாா். அப்போது, சாலைகளில் தேவையில்லாமல் வெளியே சுற்றித் திரிந்தவா்களுக்கு அறிவுரை வழங்கினாா்.
தொடா்ந்து, அவா் செய்தியாளா்களிடம் கூறியது: பொது முடக்கத்தின்போது, காலை 10 மணிக்கு மேல் தேவையில்லாமல் வெளியே வருவோா் மீது சட்டப்படி நடவடிக்கை எடுத்து, அவா்களது வாகனங்களையும் பறிமுதல் செய்யுமாறு அனைத்து காவல் துணை கண்காணிப்பாளா்கள், காவல் ஆய்வாளா்களுக்கு உத்தரவிடப்பட்டுள்ளது என்றாா் அவா்.
கடந்த 4 மாதங்களில்: மாவட்டக் காவல் கண்காணிப்பாளா் வெளியிட்ட செய்திக் குறிப்பு: தூத்துக்குடி மாவட்டத்தில் கடந்த 4 மாதங்களில் அனைத்து காவல் நிலைய போலீஸாா் தீவிர ரோந்து பணியில் ஈடுபட்டனா். இதில், சட்டவிரோதமாக கள்ளச்சாராயம், கள் மற்றும் மதுபானம் விற்பனை செய்ததாக 2,472 வழக்குகள் பதிவு செய்யப்பட்டு, 2520 போ் கைது செய்யப்பட்டுள்ளனா். ரூ. 36 லட்சம் மதிப்புள்ள 6,418 லிட்டா் மதுபானம், ரூ. 11,500 மதிப்புள்ள 382 லிட்டா் கள், கள்ளச் சாராயம் 65 லிட்டா், ரூ. 1,63 லட்சம் ரொக்கம், 19 இருசக்கர மற்றும் நான்கு சக்கர வாகனங்கள் பறிமுதல் செய்யப்பட்டுள்ளது.
இம்மாவட்டத்தில் கஞ்சா கடத்தல் மற்றும் விற்பனையில் ஈடுபட்டதாக 73 வழக்குகள் பதிவு செய்யப்பட்டு 89 போ் கைது செய்யப்பட்டனா். மேலும், அவா்களிடம் இருந்து ரூ. 4,25 லட்சம் மதிப்புள்ள 43 கிலோ கஞ்சா, ரூ. 3,430 ரொக்கம், ஒரு இரு சக்கர வாகனமும் பறிமுதல் செய்யப்பட்டுள்ளது.
கஞ்சா மற்றும் போதைப்பொருள் வழக்கில் சம்மந்தப்பட்ட 8 போ், மணல் திருட்டு வழக்கில் ஈடுபட்ட 2 போ் உள்பட 68 போ் குண்டா் தடுப்புக் காவல் சட்டத்தில் கைது செய்யப்பட்டுள்ளனா். சட்ட விரோத செயல்களில் ஈடுபடுவோா் யாராக இருந்தாலும் கடும் நடவடிக்கை எடுக்கப்படும் எனத் தெரிவிக்கப்பட்டுள்ளது.