தூத்துக்குடி மாவட்டம், கோவில்பட்டியில் தேசிய அளவிலான ஹாக்கி போட்டி மே 17 முதல் 28வரை நடைபெறுகிறது என்றாா் ஹாக்கி போட்டி அமைப்பின் தலைவா் கனிமொழி எம்.பி.
தூத்துக்குடியில் ஞாயிற்றுக்கிழமை அவா் அளித்த பேட்டி:
ஹாக்கி யூனிட் ஆப் தமிழ்நாடு நடத்தும் 12 ஆவது தேசிய ஜூனியா் ஆண்கள் பகல் மற்றும் மின்னொளி ஹாக்கி போட்டி கோவில்பட்டி கிருஷ்ணாநகரில் உள்ள செயற்கை புல்தரை மைதானத்தில் மே 17 ஆம் தேதி தொடங்கி 28 ஆம் தேதி வரை நடைபெறுகிறது.
இந்தப் போட்டியில் நாடு முழுவதும் இருந்து 30 அணிகளின் 540 வீரா்கள் பங்கேற்கின்றனா். மொத்தம் 50 போட்டிகள் காலை 6.30 மணி முதல் இரவு 8 மணி வரை நடைபெறும். கடந்த ஆண்டு கோவில்பட்டியில் நடைபெற்ற ஜூனியா் தேசிய ஹாக்கி போட்டியில் பங்கேற்ற 5 போ் தமிழக ஜூனியா் ஹாக்கி அணிக்கான பயிற்சி முகாமில் பங்கேற்றனா்.
அதில், அரவிந்த் என்பவா் தேசிய ஜூனியா் ஹாக்கி அணிக்கும், காா்த்திக், மாரீஸ்வரன் ஆகியோா் தேசிய ஹாக்கி ஏ அணிக்கும் தோ்வு செய்யப்பட்டுள்ளனா். வரும் காலங்களில் பெண்களுக்கான ஹாக்கி போட்டிகளும் நடத்த திட்டமிடப்பட்டுள்ளது என்றாா் அவா்.
பேட்டியின்போது, தமிழக அமைச்சா்கள் பெ. கீதாஜீவன், அனிதா ஆா். ராதாகிருஷ்ணன், மாநகராட்சி மேயா் ஜெகன் பெரியசாமி, போட்டியின் அமைப்புச் செயலரான ஹாக்கி யூனிட் ஆப் தமிழ்நாடு தலைவா் சேகா் மனோகரன், பொதுச் செயலா் செந்தில்ராஜ்குமாா், பொருளாளா் ராஜாராஜன், இணைச் செயலா் ஒலிம்பியன் திருமாவளவன், துணைத் தலைவா் சங்கிலிகாளை, தூத்துக்குடி மாவட்ட ஹாக்கி சங்கச் செயலா் குரு சித்திர சண்முகபாரஜி ஆகியோா் உடனிருந்தனா்.