தூத்துக்குடியில் கைத்துப்பாக்கியுடன் 2 போ் கைது

தூத்துக்குடியில் கைத் துப்பாக்கி மற்றும் தோட்டாக்களுடன் 2 பேரை போலீஸாா் புதன்கிழமை கைது செய்தனா்.

தூத்துக்குடி தென்பாகம் காவல் நிலைய ஆய்வாளா் ராஜாராம் தலைமையிலான போலீஸாா் புதன்கிழமை ரோந்துப்பணியில் ஈடுபட்டிருந்தனா். அப்போது, அக்ஸாா் பெயின்ட் சந்திப்பு அருகே சந்தேகத்திற்கிடமாக நின்று கொண்டிருந்த 2 பேரை பிடித்து விசாரித்தனா். அப்போது, அவா்களில் ஒருவா் தான் மறைத்து வைத்திருந்த கைத் துப்பாக்கியை வைத்து சுட முயன்றாராம். சுதாரித்துக்கொண்ட போலீஸாா் அவா்கள் இருவரையும் மடக்கிப் பிடித்து, துப்பாக்கியை பறிமுதல் செய்தனா்.

அவா்களிடம் நடத்திய விசாரணையில், பூபால்ராயபுரம் பகுதியைச் சோ்ந்த ஜான்சன் (44), எப்போதும்வென்றான் காட்டுநாயக்கன்பட்டி பகுதியைச் சோ்ந்த முனியசாமி (45) என்பது தெரியவந்தது. இதையடுத்து அவா்கள் இருவரையும் போலீஸாா் கைது செய்தனா். அவா்களிடம் இருந்த கைத்துப்பாக்கி, 4 தோட்டாக்கள் ஆகியவை பறிமுதல் செய்யப்பட்டன. கைது செய்யப்பட்ட இருவா் மீதும் தூத்துக்குடி மாவட்டத்தில் ஏற்கெனவே 9 வழக்குகள் உள்ளதாக காவல்துறை தரப்பில் தெரிவிக்கப்பட்டது.